Txalaparta
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
La txalaparta (si leggi cialapàrta) è nu strummentu musicali a pircussioni tipicu bascu, assai similari a la toaca ca veni di la Rumanìa.
E' furmatu di 3 o macari 4 tàuli di lignu longhi circa dui metri, spissi cincu cintimetri e laschi venti. Li tàuli sunnu appujati supra cavadditti, mentri pì ammurtizzari li culpi e pì fari passari li vibrazzioni ntî li tàuli, si mettunu peddi di crastu cunzati o macari àutri mimmrani artificiali spissi bastanti pì criari nu particulari riverberu.
Si sona sempri n cucchia curpennu li tàuli cu mazzùli cilindrici di 40 cintrimetri tinuti ritti verticarmenti. Li mazzùli sunnu di bananu, menu forti e risistenti di li tàuli ca sunnu, mmeci, di rùveri o faggiu; chista cumminazzioni crìa nu sonu ncisivu e pinitranti pì menzu di cui si ponnu uttiniri ritmi arcaici e succistivi.
La sò urìggini è accamora ncerta ma la tiurìa cchiù accriditata nni faci nu strumentu di cumunicazzioni di li antichi pastura baschi. Esisti videmma na varianti menu canusciuta ca si chiama kirokoketa.