U vinnituri di spingiuni
Ntâ prima mità dô 1900, a Catania, girava pi strati un vinnituri di spingiuni, lu chiamavanu "sucalora vecchia", nciminati (ca èranu ciambillini) e àutri artìculi di manciari.
Iddu si firiava tutta la cità cu un carrittinu unni purtava la sò mircanzìa e cantannu cu na bedda vuci milòdica canzuni mmintati d’iddu stissu, ncitava li picciriddi a chiancìricci a li sò matri pi fàrisi accattari li cosi di mangiari ch’iddu vinnìa.
“Chiancìticci je matri, picciriddi…. Chiancìticci…..”
e cantava
“ Cu m’assìcuta ccu ferrabottu,
cu m’assìcuta cu diriggìbbili,
â signurina cascau dô molu
cu tuttu û sceccu e û cariolu.. “
Oppuri, n'àutra canzuna era chista:
“ Mentri passavu dâ strata ritta,
vitti ‘n cani misu additta,
aspettava lu sò patruni
p’accattàricci î mè spingiuni ..”