Understatement

L' understatement, palora nglisa ca 'n sicilianu pò ssiri canciata cû la palora suttastima, è na fiura ritòrica dô significatu ca cunzisti ntâ l'usu dî palori ppì difettu pp'arriddùciri, spissu ironicamenti, lu senzu riali dâ frasi.
Pò ssiri cunziddirata l'asattu cuntràriu di l'ipèrbuli.

N'asèmpiu è la frasi: mi sentu tanticchia affamatu picchì nun manciu di tri jorna (la palora tanticchia nun duna lu senzu riali dâ frasi, picchì cù nu mancia da tri jorna è affamatu assai, picciò la frasi è nu understatement).