Uagnanu

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

Cercamu persune de lu Salentu ntirissate a scrìvire artìcule, crande o pìccule, 'n salentinu per lu nosthru pruscettu nciclupèdicu Wikipedia. Putete scrìvire quiddhru ca vulete (per esempiu l'artìcule subbra le cumune salentine). Ma per favure, lasciate una thraduzione de le parole diffìcile e ndicàte la pruvenienza de la parlata salentina usata. Nun mporta se sete leccisu, brindisinu, o tarandinu, sempre salentinu sete! Crazie.

St'artìculu è scrittu 'n sicilianu standard, si stai circannu l'artìculu scrittu 'n salentinu di Uagnanu (LE), vidi Uagnanu/Salentinu-Uagnanu.

Uagnanu



Nomu ufficiali:	Guagnano
Riggiuni:	Pugghia
Pruvincia:	Lecci (LE)
Cuurdinati:	40°24'N, 17°57'E Ammustra ntâ mappa
Superfici:	37 km²
Abbitanti:	6.075
Dinzitati:	167 ab./km²
Cumuni cunfinanti:	Campie, Cilinu (BR), Salice, San Donaci (BR), San Pancraziu (BR)
CAP:	73010
Prifissu telefònicu:	+0832
Situ ufficiali:	http://www.comune.guagnano.le.it/

Uagnanu o Vagnanu (o puru Guagnanu nta àutri parlati salentini) è nu cumuni salentinu ca s'attrova nta la pruvincia di Lecci.

Giografìa

S'attrova ô Nord dâ pruvincia di Lecci, a latu di chidda di Brìndisi.

Storia

'N urìggini facìa parti di l'Agru Oritanu nzèmmula a àutri paisi, nati prima, pirchì li paisani si stabbileru ddà. Â fini di lu XIII sèculu, lu paisi era fèudu di la Cuntea di Lecci. Prima fu di prupietà di li Signuri Orsini dô Balzu, prìncipi di Tàrantu, appoi di lu Baruni Matteu de Adimaris, appoi di la Famigghia Sambiasi, di li Zurlu, di li Paladini, di li Galateu, di li Lopez, appoi di li Santoru e di li Mattehei, di li Albrigi, e â fini fu di li Filomarini, duchi di Cutrufianu. A lu 1811 a Uagnanu fu unitu n'àutru paiseddu: li Matassari, ancora oi frazzioni di lu cumuni.

Secunnu certi, lu nomu di lu paisi veni di la palora "guadagno" ca c'èranu tanti attivitati lucrusi, secunnu àutri nveci lu tèrmini diriva di la palora "guazzo", pirchì a l'urìggini era na zona margiusa.

Monumenti e lochi di ntiressi

La Matrici

Lu centru stòricu di Uagnanu avvanta la prisenza di carattirìstichi "casi a curtigghiu" e di palazzi nubbiliari ntirissanti. Tra l'edifici sacri, lu cchiù mpurtanti è la Matrici ntitulata â Madonna Assunta e c'acchiana a lu XVIII sèculu. La facciata barocca mpunenti si dividi nta dui òrdini, cu nu purtali di ngressu elicanti, supra dui c'è na scultura bedda, dù purtali cchiù nichi e dicurazzioni raffinati. La pianta è a cruci latina. Dintra ci sunnu tri navati, deci artari barocchi e quatri ntirissanti.

L'èrimu di Vincent

La Cresia di la Madonna di lu Rusariu, fu custruita versu la mitati di lu XVIII sèculu. Dintra ci sunnu li resti di quattru màrtiri; è assai ntirissanti e bedda la stàtua di la Madonna.

Puru siddu nun è nu monumentu clàssicu, a la periferìa c'è macari la casa/museu "Vincent City" (foto reportage) ca l'artista lucali Vincent Brunetti si disignau e custruìu cu matiriali di ricùpiru. La casa (e lu prupietariu) stanu nta nu filmi ducumintariu ètnicu Italian Sud Est. Vìsitanu tutti li turisti di la zona, cchiù o menu 200 ogni fini di simana.

Festi e Sagri

Festa di S. Antoniu Abbati, quannu s'adduma lu focu ntâ chiazza (ùrtima dumìnica di jinnaru)
Festa di S. Giuseppi, cu la tradizziunali "matthra" (19 di marzu)
Sagra di l'uva cardinali e di lu meli (ùrtima dècadi di giugnettu)
Festa di la Madonna di lu Carminu, cu la tradizziunali "Sagra ti lu Puercu" (Sagra di lu porcu) ntâ prima dècadi di sittèmmiru - Villa Baldassarri)
Festa Patrunali di la Madonna di lu Rusariu, cu la Fera Mircatu e la Mostra di l'Artiggianatu Lucali (prima dècadi d'uttùviru).

Curiusità

Li "vagnanieddrhi" o "uagnanieddhri" sunnu assai divoti â Madonna di lu Rusariu, puru pi lu fattu di nu miràculu. Si dici ca, anticamenti, nu cristianu ca tinìa na mannira di tàuri, nni pirdìu unu. Lu circau a tutti banni, nzinu a quannu l'attruvau nta lu voscu cu nu rusariu n vucca. Allura lu patrunu circau di purtari lu tàuru nta la stadda, ma l'armalu nun si nni vosi jiri. Doppu na picca lu cristianu s'addunau ca lu tàuru stava guardannu fissu ammeri na parti e vitti na pareti ammenzu a la macchia, e susu la pareti c'era la mmàggini di la madonna. La santa prutittrici di lu paisi è la Madonna di lu Rusariu, ca si fisteggia lu 7 di uttùviru.

La nciuria di li "vagnanieddhri" è "tuttu sensu" ca n sicilianu signìfica "tuttu senzu, tuttt cirveddu". La nciuria acchiana a nu cuntu ca parra di nu cristianu di Uagnanu ca stava stra fora e vitti certi cristiani ca stàvanu circannu a spustari certi picuni rossi. Accussì lu "uagnanieddrhu" dissi ca ci vulìanu na picca di senzu, si putìanu accattari a Uagnanu, ca ci lu vinnìanu pi picca.

A lu sàbbatu c'è la chiazza.

Li deci cugnoma cchiù cumuni sunnu: Rizzo (171), Leone (160), Bianco (132), Rodio (99), Guerrieri (97), Perrone e Scalinci (88), Ingrosso e Tafuro (80), Imperiale (72).

Dialettu

Lu dialettu di Uagnanu apparteni a la famigghia di la lingua siciliana: è lu dialettu salentinu.

Talìa puru

Lijami di fora

GuagnanoInforma
Fotoreportage supra "Vincent City" dû jurnalista e fotoreporter liccisi Carlu Infanti

Purtali di lu Salentu – Jiti a l'artìculi di Wikipedia supra lu Salentu.