Vitturiatu
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Lu vitturiatu (latinu victoriatus) era na munita d'argentu emisa duranti la Ripùbbrica Rumana ntô pirìudu ca. 221 a.C. - 170 a.C.. Lu drittu dâ munita ammustrava la testa di Jovi e lu riversu ammustrava la Vittoria ca punìa na curuna ntôn trufeu e câ scrizzioni "ROMA" n esergu.
Ô nizziu la munita pisava ca. 3,4 grammi (3 scrùpuli), nnicannu zoè ca lu valuri era la mitati dô quatrigatu, na munita dô pisu di 6 scrùpuli ca pirò nta ddu pirìudu nun vinìa chiù emisa. Lu vitturiatu era fattu d'argentu a nu tassu minuri dô dinariu, c’avìa statu ntroduciutu chiù o menu ntô stissu pirìudu. L'evidenza dê ritruvamenti dê tisori ìnnica ca la munita circulava principarmenti nta l'Italia dô sud e chiù tardu n Gallia, nnicannu ca cu la munita si ntinnìa sustituiri la dracma (o menzu nomos) chiuttostu d’èssiri parti di nu sistema munitariu Rumanu nurmali.
Quannu emìsiru lu vitturiatu pâ prima vota avìa lu valuri di ca. 3/4 dô dinariu, tuttavìa quannu fu ntroduciutu n’arrè lu quinariu ntô 101 a.C. cu nu tipu similari, fu valutatu 1/2 dinariu. Chistu ìnnica ca li vitturiati ancora n circulazzioni èranu di valuri scarsu e si cunziddirava ca valìssiru sulu mitati di dinariu.
Ntroduceru n’arrè lu quinariu principarmenti pâ Gallia cisalpina, unni lu vitturiatu e li sò imitazzioni èranu pupulari. Forsi lu quinariu ntroduciutu cuntinuava a èssiri chiamatu vitturiatu, puru siddu nun c'è nudda evidenza scrivuta supra chistu.
Lu nomu victoriatus è nu tèrmini anticu, attistatu di diversi testi e scrizzioni di l’èbbuca.
Li Greci canuscìanu sta munita comu tropaikon (τροπαικον) a càusa dô trufeu ntô riversu.