Wikipedia

enciclupidìa in linia lìbbira ca cu è je po' scrìviri

Wikipedia (Vichipidia, scrivennu â siciliana) è na nciclupidìa lìbbira, scrivuta nni tanti lingui ca funziona senza scopu di vadagnu.

Storia

Fu criata nnô jinnaru dû 2001 'n lingua ngrisa, doppu ê cuntatti ntra Larry Sanger e Ben Kovitz, ma macari grazzi a l'opra di Jimmy Wales, ca mittìu a dispusizziuni i server nicissari pî spirimenti.

Wikipedia usa software lìbbiru, zoè pinzatu ncapu ê riflissiuna di Richard Stallman, funnaturi dâ Free Software Foundation, u quali fu prubbabbirmenti u primu a tiurizzari u bisognu d'aviri macari na nciclupidìa cumplitamenti lìbbira[1].

Storia di scn.wiki

Scn.wiki nascìu nnâ secunna mitati dû uttuvìru 2004[2] chî nizziatura dû forum a linguasiciliana.org[3].

scn.wiki veni uspitata supra u stissu server di l'autri Wikipedi.

A virsiuni siciliana di Wikipedia ca stai liggennu accamora è suprannuminata scn.wiki.

Unn'è Wikipedia?

I server di Wikipedia sunnu bastanti nichi: na dicina di computer (du' database e quarchi server web), ca s'attròvanu nna na stanza ca òspita i server di Bomis.com.
U pruggettu veni finanziatu principalmenti di na pirsuna, cchiù li dunazziuna vuluntari, avìa esattamenti nû travagghiaturi pû primu annu e doppu nuḍḍu cchiù, e li server sunnu manijati di na pirsuna part-time, puru chista a tìtulu di vuluntariatu.

Comu si prununza Wikipedia

Nun asisti na prununza ufficiali, ma quarchi pussibbilitati sunnu:

  • uichipìdia
  • uichipidìa
  • uichipèdia

Cirtamenti, usamu «nciclupidìa» ntâ Wikipedia siciliana.

Lijami nterni

Noti

  1. GNU: Free Encyclopedia
  2. Wiki Statistic
  3. Forum Yahoo