Wikipedia:Zoccu pò fari n'amministraturi

N’amministraturi è n’utenti cu còmpiti spicìfici. Èssiri amministraturi nun è nu tìtulu di mèritu o di diffirenza rispettu a l'àutri wikipidiani, ma na funzioni di sirvizziu pâ quali n’utenti voli assumìrisi la rispunzabbilitati; n’amministraturi nfatti nun havi cchiù dritti di l'àutri. Ma pi l'àutra manu, li sô duviri sunnu pricisi.

Pû svurcimentu dî sô còmpiti ci vennu furnuti funziunalitati agghiuntivi dû software. La durata dâ càrrica nun è pristabbiluta e n’amministraturi havi la facultati di dimèttirisi dâ sô càrrica. Ô virificàrisi di seri prubblemi, pò èssiri rimuvutu.

Zoccu pò/havi a fàciri n’amministraturi

N’amministraturi è n’utenti riggistratu c’havi la pussibbilitati di cumpiri upirazzioni putinziarmenti piriculusi/priculusi, ma spissu nicissarî pû bon funziunamentu dâ wikipedia:

Prutèggiri pàggini

L’amministratura ponnu prutèggiri na pàggina, zoè mèttiri dî limitazzioni supra cu pò mudificàrila. Asìstinu dui tipi di prutizzioni:

Cumpreta: la pàggina è mudificàbbili sulu di l’amministratura
Parziali: la pàggina è mudificàbbili di tutti l’utenti riggistrati di cchiù di 4 jorna

Li pàggini vennu prutiggiuti sulu ‘n arcuni (rari!) circustanzi (pi vìdiri li pàggini attuarmenti prutiggiuti vìsita: Special:Log/protect). P’àutri info, si vidi Wikipedia:Pulìtica di prutizzioni dî pàggini

Cancillari e ripristinari

L’amministratura ponnu cancillari e ripristinari pàggini, cancillari mmàggini, annullari li cuntribbuti nun vàlidi ‘n manera viloci.

Cancillari na pàggina (cumprisi li redirect): pi n’elencu dî pàggini cannidati â cancillazzioni si vidi Wikipedia:Pàggini a cancillari, pi l'elencu dî pàggini cancillati: Special:Log/Delete
Ricupirari na pàggina pricidintimenti cancillata: è l'upirazzioni mmersa â cancillazzioni; pirmetti di ricupirari videmma tutta la cronoluggìa
Cancillari na mmàggini: chista è n’upirazzioni nun rivirsìbbuli, li mmàggini nun ponnu èssiri ripristinati (nun cc'è na particulari raggiuni pirchissu, simpricimenti lu software è sviluppatu ‘n stu modu)
Annullari vilucimenti li edit d’àutri utenti: guardannu la diffirenza tra l'ùrtima virsioni e una pricidenti di n’artìculu, o ntê cuntribbuti d’utenti siddu fu l'ùrtimu a cuntribbuiri ôn artìculu, l’amministratura vìdinu macari lu cumannu [rollback]. L'effettu di tali cumannu è lu ripristinu dâ virsioni pricidenti ê mudìfichi di l'utenti, ca veni riggistrata ntâ cronoluggìa dâ pàggina (e, quinni, ntê Ùrtimi canciamenti) comu na mudìfica minuri, cu cummentu: "Ripurtata â rivisioni pricidenti di auturi_pricidenti"
Mudificari l'aspettu e la ntirfacci di wikipedia (ntra certi lìmiti)
Mpèdiri l'accessu a àutri utenti riggistrati o a ndirizzi IP

Obbiamenti tutti l’upirazzioni sunnu riggistrati, li pàggini cancillati nun sunnu pirduti pi sempri ma sunnu ricupiràbbili, eccetera. Vali lu principiu d’assumìrisi la rispunzabbilitati dî propî azzioni.

Nun è ubbligatoriu ca n’amministraturi participa assiduamenti a wikipedia (puru siddu l’ammuntuata/ammintuata ‘n sé ‘n gèniri sequi di st’aspettu...), abbasta ca nu certu nùmmaru, a sècunnu dâ diminzioni dâ wikipedia, è sempri prisenti. Supra la virsioni ngrisa, forti di cchiù di 640.000 artìculi ca crìscinu ô ritmu di 1000 ô jornu, cci sunnu cchiù di cincucentu amministratura.

Mpurtanti': N’amministraturi avissi a dari lu bon asempiu. Tanta genti penza "siddu n’amministraturi dici o faci chistu o chiddu, iu haiu a rispittàrilu, nun pozzu fàciri nenti contra n’amministraturi...". Pirchissu, l’amministratura nn’hannu na granni rispunzabbilitati duvuta ô modu ‘n cui la genti vidi Wikipedia.

Ripurtari na pàggina â virsioni pricidenti

‘N dui casi spicìfici, quannu li cuntribbuti dûn utenti sunnu l’ùrtimi pi na pàggina, oppuru quannu si cunfrùntanu l'ùrtima e la penùrtima virsioni di na pàggina, a latu a l'ùrtima mudìfica accumpari/cumpari lu link [rollback]. Cliccànnulu si riporta la pàggina a l'ùrtima virsioni pricidenti ê mudìfichi di tali utenti. Ntâ pàggina di l’Ùrtimi canciamenti lu "rollback" va a cumpariri/accumpariri comu na mudìfica minuri cu Uggettu (Ripurtata â rivisioni pricidenti di X).

Sta funzioni vilucizza/faci viloci l'eliminazzioni dî mudìfichi appurtati dî vannali. Si nota comegghiè ca tutti l’utenti, videmma chiddi anònimi, ponnu ripristinari na virsioni pricidenti di na pàggina, chiddu ca cancia è sulamenti la vilucitati di l'upirazzioni.

Bluccari e sbluccari utenti e ndirizzi IP

Bluccari ndirizzi IP, nzemi di ndirizzi IP e utenti, pûn pirìudu ditirminatu di tempu o ndifinutamenti.

Ntâ pàggina di l’ ùrtimi canciamenti, unni appari lu cuntribbutu dûn utenti cu dicitura User:IPoNameUser (Talk) a l’amministratura appari mmeci Usere:IPoNameUser (Talk | block) cûn link â pàggina ‘n cui mpustari lu bloccu pi tali ndirizzu IP o utenti riggistratu.

Ntâ pàggina dî cuntribbuti di nu ndirizzu IP o di n’utenti, ‘n àutu a manu manca, appari la scritta To IPoNameUser (Talk | block | Block log), ‘n cui lu link cintrali utilizzàbbili dî suli amministratura porta â pàggina di mpustazzioni dû bloccu di l'utenti.

Lu link di dritta mmeci porta a na pàggina di block Log ‘n cui cuegghiè pò vìdiri siddu lu ndirizzu IP o l'utenti fu pricidintimenti bluccatu

‘N Special:Ipblocklist cuegghiè pò virificari quali utenti e ndirizzi IP sunnu bluccati o foru bluccati, siquuti di l'auturi dû bloccu.

P’ultiriuri nfurmazzioni supra li circustanzi ca richèdinu o ditirmìnanu nu bloccu vidi pulìtichi di bloccu di l’utenti.

Link ùtili pi l’amministraturi

Eccu ccà li culligamenti ê missaggi MediaWiki a tradùciri pâ ntirfacci ‘n sicilianu:

Pi cuntrullari li pàggini nun assirvati di nuddu utenti:

Special:Unwatchedpages

Richesti a li developer, ca nun riguàrdanu novi sviluppi:

Non-development tasks for developers (comu p’asempiu l'abbilitazzioni ô bloccu utenti)

Comu s’addiventa o si smetti d’èssiri amministraturi

Ntâ pàggina Wikipedia:Amministraturi lu poi mèttiri lu tô nomu, siddu voi addivintari amministraturi dâ Wikipedia siciliana, o poi prupòniri quarchidunu ca sècunnu tia sarìa a l'àutizza di stu ncàrricu.
Pi putìrisi cannidari o èssiri cannidati è nicissariu rispittari arcuni riquisiti.
Lu sistema di votu prividi pi l'elizzioni na maiuranza dî 4/5 e lu ragghiuncimentu di nu quorum.
Â vutazzioni ponnu participari tutti l’utenti ca rispèttanu li riquisiti addumannati.
N’admin pò rinunciari â càrrica facennu addumannata di rivoca a nu steward.
La rivoca pò macari èssiri addumannata d’àutri utenti qualora si virificassiru prubblemi cu l'amministraturi, la prucidura di sèquiri ‘n sti casi nun fu ancora difinuta. Si nni pò discutiri ccà.

Amministratura di scn.wiki

L'elencu aggiurnatu d’amministratura s’attrova ccà sutta:

Amministratura attivi (‘n òrdini alfabbèticu)

Giusi

Peppi

Pippu

Turiddu

Amministratura nun attivi

(doppu 2 misi d’assenza n’admin veni riggistratu comu nun attivu)

Elizzioni di novi admin

Li novi elizzioni ‘n cursu s’attròvanu ntra sta pàggina. scn:Wikipedia:Amministraturi