Zoheir-ibn-Ghauth

Zoheir-ibn-Ghauth (vissutu all'inizziu dû IX sèculu) fu nu cumannanti militari mussurmanu. Succidiu a Mohammed-ibn-el-Gewâri, chi morsi duranti l'assediu a Castruggiuvanni dû 829.

Nun appi tantu successu, pirchì li bizzantini, cu li rinforzi di Teodotu mannatu di Costantinòpuli arrinisceru a assucutari li mussurmani chi s'appiru a ritirari a Mineu unni foru assidiati nzinu all'annu doppu.

L'assediu a Mineu s'accapau sulu grazzi ê rinforzi mussurmani cumannati di Asbagh-ibn-Wekîl, chi pigghiau lu cuntrollu militari mussurmanu ntô 830.