Ìsula Firdinandèa
L'ìsula Firdinandèa rapprisintau nu finòminu giològgicu effìmiru chi si manifistau lu 11 di giugnettu dû 1831 sutta la forma di n'eruzzioni di nu vulcanu suttamarinu chi fici nàsciri n'ìsula vicinu Menfi, ntô canali di Sicilia.
Sùbbutu doppu l'eruzzioni l'ìsula era àuta na sissantina di metri, ma fu inaccissibbili pi diversi simani data la timpiratura supirficiali. Ci fu puru na sciarra pi lu pussessu di l'ìsula tra li ngrisi e lu cuvèrnu burbònicu dî dui Sicilî. Macari li cuverni dâ Francia e dâ Spagna cci dèsiru n'ucchiata.
Cu passari dî simani pirò lu sbàttiri dû mari facìa calari l'autizza di l'ìsula, e all'inizziu dû 1832 l'ìsula scumparìu sutta lu liveddu dû mari. Lu puntu cchiù àutu di l'ìsula s'attrova òi a 6 metri sutta lu liveddu dû mari.
La pròssima vota ca l'ìsula si spunta supra lu mari, nun avissi succèdiri li sciarri dipromàtichi picchì l'Italia cci mpiantau gìa la bannera taliana.
Talìa puru
cancia
