Ad àrburu cadutu accetta accetta

Ad àrburu caduta accetta accetta è nu pruverbiu di la tradizzioni linguìstica siciliana. Lu significatu di la sintenzia è: la sorti a li voti nun canusci avventu, nun si pò sazziari di zoccu di mali hà già fattu e cuntinua a fari dannu senza sosta.

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.

	«  Si la sorti si metti ntra la sditta cu la sciàbula a manu, e la scupetta, di l'omu sfurtunatu fa vinnitta, e prestu a varva all'aria lu jetta: sazia non mai sarrà di sua scunfitta, si prima di ogni beni non l'annetta, pirchì c'è dda sintenzia maliditta ad àrvulu cadutu accetta accetta.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.