Ajùtiti ca t'ajutu

Ajùtiti ca t'ajutu è nu pruverbiu di la tradizzioni linguìstica siciliana. Lu significatu di la sintenzia è: nun stari spranza di l'àutri, datti ajutu, siddu nun t'ajuti tu vidi ca nun t'ajuta nuddu.

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.

	«  Cui a la putrunarìa tuttu s'hà datu murirà di la fami mpassulutu, puru ca fussi ntra un fossu jittatu dumannannu pietà non è cridutu, Gesù Cristu li forzi cc'hà accurdatu, iddu cci curpa ca s'avi abbilutu, mentri lu stissu Diu chi l'hà criatu, ajùtiti cci dici, ch'iu ti ajutu.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.