Arminiu

Arminiu (versu lu 16 a.C - 21 d.C.) fu nu capu militari ceruscu. Catturatu picciutteddu dî romani, vinni educatu secunnu la cultura rumana, trasennu puru ntî l'ordini dî cavaleri. Addivintau òmunu di fiducia di Varu, lu cuvirnaturi dâ Girmania ntâ riggiuni dû Renu. Arminiu mantinia cuntatti chî pòpuli girmanichi cu cui Roma era n cummattimentu, e a nu certu puntu agghicau a cunvincirisi chi putìa addivintari nu leader girmanicu. Apprufittannu dâ fiducia di Varu, Arminiu fici càdiri Varu e tutti li sò surdati (si stima circa 20000) ntî na mbuscata, canusciuta comu lu cummattimentu di Teutoburgu, abbinuta ntô 9 d.C.. Li surdati rumani forru ammazzati e Varu stissu s'ammazzau câ sò spata.

Li pupulazzioni barbari di Girmania all'ebbica di Arminiu.

Arminiu vinni ammazzato quarchi annu cchiù tardu ntî nu cumplottu chi mirava a neutralizzari la sò putenza e lu sò duminiu tra li vari tribbù girmanichi.