Assediu di Malta (1565)

Ntô 1565 l'arcipèlacu maltisi fu assidiatu di l'esèrcitu ottumanu, chi lu 18 di maiu si prisintau davanzi all'ìsuli cu na flotta forti di 30.000 òmini. Li cavaleri di Malta chi, cumannati dû gran mastru Jean de la Vallette, cuvirnavanu l'ìsula, risisteru pi circa 4 misi nzinu a quannu na flotta spagnola ci vinni d'aiutu lu 6 di sittèmmiru. Lu 11 di sittèmmiru li turchi s'arrinneru e abbannunaru l'ìsula e a parti dâ flotta turca ci vinni datu fuocu.

La flotta turca agghica a Malta nti nu quatru di Matteo Perez d'Aleccio
Tummata dû forti di Sant'Elmu (Matteo Perez d'Aleccio)
Disfatta dî Turchi (Matteo Perez d'Aleccio)

Lu surtanu Solimanu lu Magnìficu avìa dicisu di cunquistari Malta pi du mutivi: lu primu era di livari la basi opirativa principali ê cavaleri, chi attaccàvunu rigularmenti li navi ottumani; la secunna era chi Malta, cu lu sò portu granni, avìa na pusizzioni stratèggica assai mpurtanti e la cunquista avissi pirmittutu di gràpiri ê Turchi li rutti dû Mediterraneu uccidintali.

Vuci currilati cancia