Biatrici d'Esti

Biatrici d'Esti (Firrara, 29 giugnu 1475 – Milanu, 2 jennaru 1497) fui figghia ri Erculi I d'Esti e di Linora d'Arauna, suoro nica ri Isabiedda d'Esti e suoru ranni ri Fonziu I d'Esti.

Biatrici ri picciuttiedda 'nta na miniatura ru 1494.

A vita

Quannu jera nicariedda sa matri sa purtau a Napuli e a lassau 'nta casa di sa nannu Firranti d'Arauna, ca si la crisciu cuomo fussi stata figghia sua. 'Nta 'u 1491, quannu avieva quinnici anni, si maritau a Luduvicu Sforza, chiamato 'u Moru, e addivintau accussì duchissa ri Milano e duchissa ri Bari.

Fu fimmina ri puisu, c'aiutava assai a sa maritu a guvirnari 'u stato e a'ssicutari i nimici, infatti quannu idda muriu 'u ducatu 'i Milanu sgarrasciau e su pigghiaru i francisi. Ci piacieva assai iri a cavaddu e a caccia, ascutari a musica e i cristiani studiati ca parravinu, e chiossai ancuora si ci parravinu ri Danti e ci liggievinu 'a Divina Cummedia. Quannu jera picciridda si pigghiau l'abbitudini ri viestisi a maniera ri spagnuoli e si vistiu accussì pi tutta 'a vita. Ci piacieva puru miettisi a spirimintari e cusiri nuovi vistiti e pittinaturi. Purtau siempri a trizza a spagnuola. Comu matri e mugghieri e puru comu figghia fu biedda, brava e buona, 'un ci si putieva diri nienti.

Figghi

Idda e sa marito appiro dui carusi:

• Erculi Massimianu (1493 - 1530) cunti 'i Pavia e di ranni duca di Milanu (1513 - 1515);
• Cicciu (1495 - 1535), principi 'i Russanu e cunti 'i Burriellu, appriesso fu puru iddu cunti 'i Pavia e duca 'i Milanu (1521 - 1535). Si maritau a Cristina 'i Danimarca (1522 - 1590), figghia 'i Cristianu II 'i Danimarca.

Avievano aviri puru nu tierzo carusu, ma Biatrici muriu mientri accattava 'u 2 jennaru 1475.