Bonu tempu e malu tempu nun dùranu tuttu lu tempu

Bonu tempu e malu tempu nun dùranu tuttu lu tempu è nu pruverbiu di la tradizzioni linguìstica siciliana. Lu significatu di la sintenzia è: lu beni e lu mali sunnu ammiscati ntî la vita, nun cci pò èssiri sulu beni o sulu mali. Si pò rifiriri a macari a lu clima, ntî lu senziu ca nun cci pò èssiri sempri lu suli o sempri chiòviri, ma macari ntî sta ntrirpretazzioni cc'è alliata la vita umana. Assai canusciuta e ccu lu stissu significatu è la sintenzia di lu firm Lu Corvu ca dici: Nun pò chiòviri ppi sempri .

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.

	«  Càncianu tutti cosi attempu attempu, cancialu spissu d'aspettu lu campu, viditi sparagghiari tuttu a un tempu ddu celu, ch'hà mannatu cchiù d'un lampu: cussì cunsolu a cui non si cridi 'ntempu di scatinarsi cchiù di lu sò 'nciampu, dicènnucci, ca bonu e malu tempu, non dura tuttu tempu, e cci lu stampu.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.