Càrculu spartutu

Ntâ nfurmàtica, u càrculu spartutu è na furma di cumputazzioni unni si fannu tanti càrculi nzèmmula e tutti nta na vota (si dici macari “’n parallelu”) usannu dui o cchiù assai prucissura o core. Accura a nun cunfùnniri u càrculu spartutu cu chiḍḍu cuncurrenti, chi è sìmili picchì fa tanti càrculi ’n parallelu, ma cu un prucissuri sulu.

U càrculu spartutu è assai ùtili quannu un prubblema granni si rinesci a spàrtiri nta prubblemi cchiù nichi chi si ponnu risòrbiri spartuti.

Cci sunnu diversi furmi di càrculu spartutu:

• parallillìsimu a liveḍḍu di bit,
• parallillìsimu a liveḍḍu di istruzzioni,
• parallillìsimu a liveḍḍu di dati,
• parallillìsimu a liveḍḍu di thread.