Chitarra acustica

La chitarra è nu strummentu musicali custituitu di na cascia armònica a forma di 8 e d'un mànicu longu supra cui sunnu tisi 6 o 12 cordi fatti vibbrari pizzicànnuli chî jìdita o c'un plettru.

La chitarra clàssica

La cascia è custituita di taula armonica, funnu e fascia. Ô centru dâ taula armònica cc'è nu purtusu tunnu, ca si chiama "buca", e servi a fari trasiri lu sonu dê cordi ntra a la cascia armònica, ca pumpìa stu sonu, facènnulu sèntiri cchiù forti. Cchiù vasciu dâ "buca" cc'è lu "ponti", ca servi pi agganciari la parti li sutta di li cordi.

Lu manicu è compostu di:

1. Manicu veru e propriu.
2. Tastera (fatta spissu e volentieri di lignu di palissandru), ca è a parti fruntali, unni cci sunnu li cordi, e unni si pòsanu li jita. È divisa cu tanti pizzudi di ferru pirpindiculari 'e cordi, i tasti. Prima dû primu tastu cc'è u caputastu, ca è fattu di ossu, o di plàstica, o di grafiti.
3. Paletta, ca è la parti àuta, unni si aggancianu e si accòrdanu li cordi.

Supra a paletta, pi accurdari li cordi, cci sunnu sti chiavetti, una pî corda, ca si chiàmanu "meccanichi". Li cordi ponnu èssiri o di nylon, nnô casu di chitarra clàssica, o di ferru, nnô casu di chitarra acùstica.

Ntâ littiratura siciliana

Di Lingua e dialettu di Gnazziu Buttitta:

Mi nn'addugnu ora

Mentri accordu a chitarra du dialettu

Ca perdi na corda lu iornu.

Nta Commons s'attròvanu àutri mmàggini rilativi a Chitarra acustica.