Cui sputa a l'aria cci torna 'n facci

Cui sputa a l'aria cci torna 'n facci è nu pruverbiu di la tradizzioni linguìstica siciliana. Lu significatu di la sintenzia è: cui fa li cosi senza raggiunàricci appui ni va' piniannu. Si dici macari cu' sputa 'ncelu, 'nfaccia ci torna, co' sensu cha cu' dici mali di l'autri megghiu ci po' veniri solu dannu.

Citazzioni

Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda.

	«  Si ntra l'affari d'àutru tu t'impicci, ed ognunu tu crìtichi e rinfacci, la cumparsa farai d'un miscamicci, d'impaccidderi di tutti l'impacci: si li toi affari suli cridi spicci, e chiddi d'àutru ccu 'mprudenza tacci, sbruffirai comu sbrùffanu li sicci, e sputi all'aria, e ti ritorna 'n facci. »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.