Cunfirenza di Missina
La Cunfirenza di Missina si tinni ntô 1955, di lu 1 di giugnu a lu 3 di giugnu.
Fu na riunioni interministiriali dê sei stati mèmmiri di la CECA. Pigghiaru parti a la cunfirenza li ministra di l'èstiri dê sei paisi, Gaetanu Martino pi l'Italia, Jan Willem Beyen pi l'Ulanna, Antoine Pinay pi la Francia, Joseph Bech pi lu Lussemburgu, Walter Hallstein pi la Girmania e Paul-Henri Spaak pi lu Belgiu.
La cunfirenza, accuminzata ntî nu clima nun assai bonu pi la bucciatura di parti dô Parramentu francisi di l'accordu supra la CED (Cumunitati Auropea di Difinnuta), prusiquiu nun senza difficurtati ntî li primi dù jorna di travagghi, ma, a surprisa, lu terzu jornu, â chiuduta dâ cunfirenza vinni rinnuta nota chidda ca vinni canusciuta cumu Dichiarazzioni di Missina, cu la quali li sei paisi dicèvunu na serî di prinzipi e di vuluntati rivorti â criazzioni di la Cumunitati Auropea di l'Anirgia Atòmica e di chidda ca addivitau appoi lu Mircatu Auropeu Cumuni (MEC, appoi CEE e, a l'ùrtimu, Unioni Auropea).
Ô spissu ntî li mumenti diffìcili di li rapporti ntra li stati mèmmiri di l'UE s'hà faciutu minzioni di ddu spìritu, lu spìritu di Missina, ca armau la cunfirenza e li patri funnaturi di la Cumunitati Auropea ca a dda cunfirenza participaru.
Liami esterni
cancia- The Messina Declaration 1955 - Ducumentu finali dâ Cunfirenza Di Missina 1-2-3 giugnu 1955 â basi dâ nascita dâ Cumunitti Europea - Unioni Europea. (in lincua ancrisi)
- La Conférence de Messine