Curneliu Nipoti
Curneliu Nipoti ('n latinu Cornelius Nepos, Gallia, 100 a.C. circa - 25 a.C. circa, forsi a Roma) fu nu biògrafu e stòricu rumanu.
Picca si sapi di la sò vita: nun si sapi mancu lu praenomen, comu mancu li dati pricisi di nasciuta e morti. Rivardu lu sò locu d'urìggini si sapi ca era di la Gallia Cisalpina. Certiduni fonti dìcinu di la citati di Hostilia, no assai luntanu di Virona. Pliniu lu Vecchiu dici ca iddu murìu quannu era a lu putiri Giuliu Cesari. Fu amicu di Catullu (ca cci didicau lu sò libbru di puisìi), di Ciciruni e di Titu Pumponiu Àtticu. Lìbbiru di pinzeri ecunumìchi (vinìa di na famigghia di cavaleri) arrinunzau a la carrera pulìtica e s'occupau di littiratura.
Certiduni di li sò crìtichi lu dìcinu nu stòricu di scarsu liveddu, di stili pòviru e pritinziusu, ca abbusava di antìtisi.
La sò òpira cchiù canusciuta è lu De Viris Illustribus ("L'òmini cchiù canusciuti", na cugghiuta di biografìi).