Danieli D'Agostino
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Nasciutu a Palermu nta lu 26 di aprili dô 1985, Danieli D'Agostino è nu scritturi ca assuma nta lu panurama di la littiratura di furmazzioni giuvanili cu lu sou rumanzu "Esprit Libre".
Appassiunatu di littiratura accussì comu di viaggi, lu picciottu Danieli trascurrìu lu pirìudu prima dâ pubbricazzioni di lu sou libbru, 'n Francia, unni pirfizziunàu la cunuscenza di la lingua francisa, ca iuncìu a chidda dô nglisi.
Cu la sou ditirminazzioni e la sou giùvani etati, Danieli rapprisenta na bedda prumissa ntô campu littirariu sicilianu e talianu.
La sou òpira "Esprit Libre", la prima pubblicata doppu ca scrivìu nn'àutri dui rumanzi non pubbricati, appittura dittagliatamenti la rialitati di nu gruppu di picciotti nta la cumpricata etati di l'aduliscenza, unni la nicissitati di rinnìrisi nnipinnenti dô munnu di l'adulti e di la sucitati s'ammisca cu lu bisognu d'attruvari affirmazzioni affittivi nta li cumpagni.
L'òpira rapprisenta quinni n'innu a l'amicizzia, ca, cu la sou custanza, arrinesci a mitigari l'amari firiti afflitti dê dilusioni d'amuri.
Lu cuntestu unni si sviluppa la trama è chiddu di na Palermu pirbinista, carattirizzata di n'inifficienza di li strutturi e di li istituzzioni.
Li vicenni dê pirsunaggi vènunu macari prisintati attraversu lu pitturescu usu di la parrata giuvanili, ca cunzenti di calàrisi ntî na manera cchiù rialìstica nta la diminzioni di l'universu di l'aduliscenti.
Lu cuntu arrisurta fàcili e spigghiatu ntâ littura, attribbuti ca fannu di stu rumanzu n'òpira prizziusa.