Dialetti dâ Pugghia
(Rinnirizzata di Dialetti pujisi)
Li dialetti e li parrati dâ riggiuni Pugghia sunnu nummarusi e assai diversi tra d'iddi. Ponnu, comunqui, èssiri classificati dintra tri gruppi funnamintali:
Gruppu dî dialetti taliani miridiunali
canciaTra li dialetti pugghisi, appartinenti a lu cippu di li dialetti miridiunali taliani avemu:
- Dialettu barisi: parratu nta tutta la pruvincia di Bari e nta chidda di Barletta-Andria-Trani, unni sunnu prisenti arcuni varianti comu lu barlettanu e l'andrisi. A lu nord havi zoni di nfluenza nta la pruvincia di Foggia. A ovest si diffunni macari nta la pruvincia di Matera lu cui dialettu nun prisenta evidintìssimi diffirenzi cu chiddu barisi, supratutto nta la cadenza milòdica e prisenta certi nfluenzi puru nta la zona nord di Putenza (lu Vulture-melfese). A sud arriva nzinu a la sogghia messàpica longu na lìnia idiali ca vani di Tàrantu a Stuni (BR), giusu di la quali si parra lu salentinu.
- Dialettu foggianu: parratu nta la pruvincia di Foggia, nfluinzannu macari li cumuna di lu Molise miridiunali. Lu fuggianu pò èssiri cunziddiratu comu un dialettu barisi fortimenti nfluinzatu di lu napulitanu.
- Dialettu tarantinu di Tàrantu: parratu nta la cità di Tàrantu e nta la parti nord di l'omònima pruvincia nta li sò varianti (massafrisi, crispianisi, ecc...), e havi la particularitati d'èssiri n'idioma cumunali, ossia la sò varianti cchiù pura è parrata sclusivamenti dintra li cunfini di la cità.
Dialetti di tranzizzioni àpulu-salentini
cancia- Li dialetti di Stuni (BR), Fasanu (BR), Cegghji (BR), Villa Castelli (BR), Sammichel (BR) e Gruttagghie (TA) sunnu di li dialetti pugghisi cu nfluenzi salentini. Sti parlati vèninu chiamati "Dialetti di tranzizzioni àpulu-salentini".
Gruppu dî dialetti miridiunali stremi
canciaAssai diversu di l'àutri dialetti pugghisi, 'n quantu appartinenti ô gruppu dî dialetti miridiunali stremi (famigghia dâ lingua siciliana), è lu dialettu salentinu: È parratu nta la ntera pruvincia di Lecce, granni parti dâ pruvincia di Brìndisi (dialettu brindisinu) e la parti miridiunali dâ pruvincia di Tàrantu. Lu dialettu salentinu prisenta assai similitùtini cu lu dialettu calabbrisi centru-miridiunali e li parlati siciliani di Sicilia.
Liami nterni
cancia- Dialetti di tranzizzioni àpulu-salentini
- Gruppu sicilianu (dialetti taliani miridiunali stremi)