Dicèmmiru 2011

Munnu

14 di dicèmmiru

Lu LHC di Ginevra.

• Ginevra: Li scinziati dû CERN annunciaru ca li spirimenti fatti ntô Granni Cullisiunaturi di Adruni (LHC) pirmettunu di spirari ca prestu si putissi cunfirmari la scuperta dû Bosoni di Higgs, na particedda elementari ca li scinziati cercanu di diversu tempu.

---

12 di dicèmmiru

• Durban: Lu summit supra lu clima si chiudìu senza risurtati immidiati. L'Unioni Europea si mpignau a cuntinuari a riduciri li gas a effettu serra, e l'autri tri cchiù granni nquinaturi dû munnu, l'India li Stati Uniti e la Cina si mpegnanu a fàrilu a pàrtiri dû 2015.

---

6 di dicèmmiru

• Mosca: L'elizzioni pû rinnovu dâ Duma, la càmmira bassa dâ Cunfidirazzioni Russa si chiuderu cu na sinsibbili calata dû partitu di Putin e Medvedev, scinnutu sutta la maggiuranza assuluta dî voti. Na seri di accusi di manipulazzioni ntê seggi eletturali e dî mprògghi vari foru nnirizzati ô cuvernu ca pi tutta la campagna eletturali desi picca spazziu all'opposizzioni ntê media.

Sicilia e cuntinenti

7 di dicèmmiru

• Nàpuli: Fu arristatu Micheli Zagaria, unu dî latitanti cchiù putenti dâ camorra, e cunsidiratu re dû cimentu ntî tutta l'Italia cintrali e miridiunali, nzinu all'Emilia Rumagna e â Lummardia.