Austu 2011

Sicilia e sud di l'Italia

16 di austu

• Lampidusa: Cu l'agghicata di autri 2000 immigrati n pruvinenza dâ Libbia è attorna emergenza umanitaria ntô centru d'arriccugghiuta di l'ìsula.

---

Pìcciuli d'èbbica cartagginisi simili a chiddi truvati a Pantilliria.

11 di austu

• Pantilliria: Na spidizzioni archiològgica suttamarina attruvau 3418 pìcciuli di èbbica Cartagginisi.

---

6 di austu

• Lampidusa: N'autru varcuni agghicau ntî l'ìsula siciliana. Li 376 supravvissuti cuntanu di nu cintinaru di cadaviri jittati a mari, pirchì la genti muria duranti lu viaggiu. Cuntanu puru ca diversi navi passaru ntê vicinanzi dû varcuni, senza firmarisi e senza pristari succursu. Lu ministru di l'internu italianu addumannau na nchiesta â NATU pi mancatu succursu n mari: pari ca armenu na navi dâ NATU, dutata di radar putenti, si truvava ntê paraggi, senza ntirviniri.

---

primu di austu

• Lampidusa: Nu varcuni cu circa 300 immigrati di l'Africa subsahariana agghicau ogghi a Lampidusa. Na trintina ammucciati ntâ sala màchini agghicaru cadaviri.

Munnu

21 di aprili

• Tripoli: Li rivurtusi ô riggimi di Gheddafi traseru ntâ capitali lìbbica. Già ntê jorna scursi avìanu rinisciutu a cunquistari diversi cità stratèggichi. Parissi ca lu riggimi di Gheddafi fussi all'urtimi jorna, prima dâ caduta difinitiva. Chistu è chiddu ca assicura lu cunsigghiu nazziunali di transizzioni ca havi la sedi a Bengasi.

---

7 di austu

• Kabul: Ntâ notti tra vènniri e sàbbatu nu razzu tiratu dî talibbani jittau n terra n'elicòttiru militari miricanu, facennu 38 morti, tra cui 30 surdati scigghiuti dî Navy Seals. E' l'episodiu cchiù nigativu pi la cualizzioni uccidintali ntâ guerra di l'Afganistan.