Discussioni:Antoniu Vinizzianu
Ciau a tutti, haiu asciatu la palora "ariditati" nta st'artìculu mentri ju canusciu la forma siciliana "rerità" (cu na "e" nun accintata e cu na "r"), e Sarvaturi Camilleri porta "eredità". Forsi "redità" (cu na "e" e cu na "d") putissi èssiri la suluzzioni. Chi nni pinzati? Salutamu. Turiddu
- Ciau Turiddu - Piccittu porta sti vuci:
- 1. aredi: erede
- 2. eredità: rar. eredità
- 3. reda: f. erede, discendente; poi ammustra tanti sprissioni e formi: morsi senza reda; di reda e riditoria; nèsciri fora reda (venire escluso da un'eredità);
- 4. redi: m. erede; di redi e ridicata - di generazione in generazione
- Dicu sulu ca liggennu st'asempi, reda è la vuci cchiù longa (cu na lista longa di sprissioni tìpichi). Poi cci sunnu st'àutri palori chi asìstinu ntra sti sprissioni, ma nun asìstinu comu palori suli (secunnu a iddu): riditoria e ridicata (riditoria mi fa pinzari di l'aggitivu: ereditario). N'àutra cosa, Camilleri porta «eredità» ma puru «reda», chi forsi si pò usari pi signifari tutti dui (erede e eredità).
- Lu dizziunariu d'etimoluggìa di Giarrizzo porta «reda» pi significari «discinnenti»; veni rittu dû latinu.
- Pi cunchiùdiri, nn'avemu «redità» (chi havi lu sò senzu), «reda» o una di st'àutri palori mistiriusi: riditoria e ridicata (chi ovviamenti nun putemu usari senza capiri d'unni vennu e chi signìficanu pricisamenti). Forsi prifirisciu la prima (chidda chi gìa ni prupunisti). Salutamu. πίππύ δ'Ω∑ - (waarom? jus'b'coz!) 11:53, 2 Nuvèmmiru 2006 (UTC)
Ciau Pippu, m'hai a scusari ca arrispunnu sulu oi a stu talk. Stava scrivennu n'abbozzu ora ora quannu m'arricurdai di stu talk. Unu dî mè dizziunari porta:
- 1. areti: erede (ca currispunni â palora ca tu porti: aredi)
- 2. rerità: eredità (ca currispunni â palora ca tu porti: eredità)
- 3. di rera e rerità : caratteri lasciati di generazione in generazione (ca currispunni â sprissioni ca tu porti: di redi e ridicata)
E tu porti puru la vuci reda: erede (ca pari currispùnniri â palora ca portu: rera)
Pirchissu, mi pari bonu usari li formi:
- "redità" (chî redirects "eredità", "rerità")
- "reda" (chî redirects "redi", "rera", "areti", "aredi")
Salutamu!
--Sarvaturi 22:00, 15 Nuvèmmiru 2006 (UTC)
- Ciau Turiddu - sugnu d'accordu! πίππύ δ'Ω∑ - (waarom? jus'b'coz!) 06:46, 16 Nuvèmmiru 2006 (UTC)
Accumenza na discussioni supra Antoniu Vinizzianu
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Antoniu Vinizzianu.
