Discussioni:Paraguni tra sicilianu, calabbrisi e salintinu
Assalutamu caruseddri mé,
scrivu mi v'addunati ca accamora nnā primera távula di ssa págghina visti ssi palori ca mi pareru sgarrati:
- fuàcu
- ruàta
- ruàti
- viàntu
- tiàmpu
- luàcu
- puàrcu
- truànu
Pózzica mi sgarru, ma mi pari ca ssi palori annu sgarratu l'accentu e ca avíssiru a siri priccontra:
- fùacu
- rùata
- rùati
- vìantu
- tìampu
- lùacu
- pùarcu
- trùanu
Chissu si sapi pricchí li vucali di dintra o/e si stramutaru nni a. Sta canciata ammatti pricchí l'accentu casca incapu la vucali d'anti. Pri chissu locu > luòcu > lùacu, mancu luàcu. Ma ghié pri d'accamora nun canciu nenti pricchí pózzica sti furmi nun sunnu sgarrati, ma fannu parti a n'autra parrata. Aspettu quarchi ghiurna e siddru nuddru mi cuntradici, m'arricampu e tannu li canciu.
Chiui di chissu vulissi mi agghiuncissi midemma li furmi assichenti ca s'áscianu nni Enna:
- fucu
- ruta
- ruti
- vintu
- timpu
- lucu
- purcu
- trunu
Chissi, pri iddri ca ancora nun lu sannu, sunnu l'úrtimi dō sbiluppu: locu > luòcu > lùacu > lucu.
E annacaduna vulissi mi agghiuncissi la furma uentu pri ddri parrati unni si prununzia la v a l'anticu w (Cunigghiuni, Vìcari, ecc.), comu nnō latinu.
Siddru nuddru mi cuntradici, fazzu ssi canciati.
Assalutamu,
Michiluzzu Scalisi (msg) 23:59, 14 Dic 2009 (CET)
Ciau Michiluzzu,
li formi dî paroli chi signalasti sunnu formi nun standard (pi chistu sunnu tra parentisi ntâ vuci principali). Chistu veni a diri chi si ùsanu ntâ lingua parrata, armenu lucarmenti. Haiu viaggiatu pi tutta la Sicilia, fici lu surdatu n Sicilia cu siciliani di tutti li banni e pozzu cunfirmari. Li variazzioni chi prupòni tu si usunu videmma, ma rèstunu formi nun standard, usati lucarmenti. Siddu vuoi ci li puoi junciri, ma senza cancillari l'autri. Salutamu. --Peppi 09:16, 15 Dic 2009 (CET)
Accumenza na discussioni supra Paraguni tra sicilianu, calabbrisi e salintinu
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Paraguni tra sicilianu, calabbrisi e salintinu.
