Discussioni utenti:Calicchiulusiculu/Archiviu
Ciau Calicchiu - liggìi lu tò missaggiu cu piaciri. Unu pò canciari qualunchi vuci pricisu comu scrivisti lu tò missaggiu a mia. Tutti li pàggini funziònanu pi stu modu. S'attròvanu quattru amministratura ntâ Wikipedia Siciliana: ju, Turiddu, Giusi e Peppi. Circamu sempri a truvari autri chi ni ponnu jùnciri pi migghiurari st'enciclopedìa, e certamenti tinemu nu scopu comu hai già discrittu. Avemu pruvatu a sistimari nu mudellu ca si pò chiamari nu standard. Pi fauri, vai a circari sti liami pi canùsciri cchiù megghiu chiddu c'avemu pruvatu a fari:
- Wikipedia:Grammàtica - na grammàtica siciliana brevi
- Wikipedia:Cumpenniu Stilisticu - discrivi lu nostru mudellu p'un standard
- Wikipedia:Vucabbulariu - unni avemu accuminzatu arricògghiri li palori prifiruti pi na enciclopedìa
- Wikipedia:Circulu - unni si pò lassari missaggi pi tutti l'utenti
- Wikipedia:Comu fari li canciamenti - ti nzigna comu fari li canciamenti
- Wikipedia:Fogghiu di prova - ccà unu pò fari li spirimenti senza spagnàrisi
- Porta dâ Cumunità - ccà poi attruvari àutri vuci ùtili
Speru ca sti vuci ti ponnu aiutari e ca poi accuminzari scrìviri e editari sùbbutu sùbbutu. Pi cunchiùdiri, ti vogghiu diri ca mi pari ca la tò scrittura assicuta lu nostru mudellu quasi pricisu, sugnu sicuru c'attrovi c'avemu usatu nu mudellu accittàbbili p'un standard. Salutamu! πίππύ δ'Ω∑ - (waarom? jus'b'coz!) 11:02, 13 Sittèmmiru 2006 (UTC)
Ciau Calicchiu lu sìculu.
Sì, lu sicilianu pò addivintari lingua ufficiali di Talia e lingua ufficiali di la UE. Chistu addipenni dâ vuluntati dî siciliani di Sicilia.
La Ripùbbrica Taliana nun arricanusci ca lu sicilianu è na lingua vera ma li scintìfici dìcinu di sì. Ntô mè paisi (Francia) si dici ca na lingua è nu dialettu c'hà arrinisciutu: zoccu chiamamu oi "lu spagnolu mudernu" è lu dialettu castigghianu, "lu talianu mudernu" è lu dialettu tuscanu (ma cu na nfruenza nica dû sicilianu anticu), "lu francisi mudernu" è lu dialettu di Pariggi.
Tutti sti dialetti addivintaru lingui e si fìciru "standard" ma ci sunnu rasti nun lòggici c'ammùstranu l'orìggini dialittali:
P'asempiu lu spagnolu havi "círculo" cu l'accentu e "circula" senza accentu, e "ramo" ca si prununza sempri "rramo".
La lingua siciliana scritta asisti pirchì già l'avemu la littiratura granni (Buttitta, Martogghiu, ecc.) cu normi ortugràfichi standard abbastanti stabbiluti.
Sta Wikipedìa nun pò sarvari la nostra lingua ma li siciliani di Sicilia ponnu sarvari sta lingua quannu ci sunnu l'elezzioni riggiunali.
Sta Wikipedia è sulu nu mudellu p'ammustrari ca lu sicilianu pò arrinàsciri e arrinèsciri pi parrari e scrìviri IN SICILIANU STRITTU supra tutti li temi.
A prestu
Discussioni
canciaCiau Calicchiu - nun cci bisogna ca mi manni li toi pruposti - poi accuminzari na discussioni ntô cìrculu, ccà: Wikipedia:Circulu. Accussì tutti ponnu lèggiri zoccu voi diri. Nun ti scurdari ca stu prucettu è nu prucettu cullabburativu, significa ca circamu sempri a fari li dicisioni tra nuiàtri stissi. Nuddu cummanna nta Wikipedia. A prupòsitu - mi pari ca ju canusciu la tò scrittura. Lu sicilianu scrittu è comu DNA, sapemu sempri cu è ca sta scrivennu picchì tutti làssanu li soi tracci ùnichi. Siddu ni canuscemu già - parramu facciànnuni chî manu aperti e ni capemu megghiu. Salutamu! πίππύ δ'Ω∑ - (waarom? jus'b'coz!) 12:14, 14 Sittèmmiru 2006 (UTC)