Davidù

Ti saluta 'u missaggeri di l'utenti: Snoopy.

Ehi

• Bonvinutu nta la wikipedia siciliana! --Sarvaturi 14:30, 20 Giugnettu 2007 (UTC)

Cumplimenti

Ciau Davidù, ti mannu li mè cumplimenti pi lu tò artìculu beddu Domenico Modugno. Cuntìnua d'accussì. Grazzi. Salutamu e a prestu! --Sarvaturi 14:31, 20 Giugnettu 2007 (UTC)

Nu Forum n sicilianu supra IRC

Ciau Davidù, ti scrivu pi nfurmari a tìa ca comu p'ogni pruggettu wikipedia ora asisti nu forum lestu nostru supra IRC. Attuarmenti ci semu ju, Santu e Carmelu e spiramu ca sta cumunitati di wikipidiani siculòfuni va a fàrisi cchiù granni cu lu passari di lu tempu. Ovviamenti puru li nun-wikipidiani ponnu vèniri a discùrriri cu nuiàutri. Siddu voi sapiri cchiù nfurmazzioni supra sta maravigghia poi liggìriti l'ammasciati nostri ntô Cìrculu. Salutamu. --Sarvaturi 19:41, 22 jin 2008 (UTC)

Sicilianu unificatu - Li noma e li cugnoma

Ciau Daviduzzu, grazzi pi lu tò missaggiu simpàticu. Prima di tuttu ti vogghiu diri ca li canciamenti ca fici ju nun sunnu "currizzioni" ma adattamenti dî paroli a l'esiggenzi dû sicilianu standard usatu nta scn.wiki. Ti cunfermu ca tutti li palori dâ tò parrata ca usi sunnu curretti (e assai beddi) ma arcuni di chisti sunnu menu apprupiati pi scrìviri (lingua scritta unificata). Nun hai a sintìriti affisu pi sti canciamenti nichi ca facemu. Ti pozzu cuntari la mè spirienza: prima ju usava tanti palori nisseni (assai nun èranu palori siciliani standard: p'esempiu "cùppula" mentri ntô sicilianu standard s'usa la furma "còppula") e m'arricordu ca tutti l'àutri utenti adattàvanu li mè scritti e mi spiegàvanu comu scrìviri: m'aiutàvanu. M'addumannasti picchì avemu a trascrìviri puru lu nomu e lu cugnomu allura t'arrispunnu ora:

• Quannu parramu sicilianu è assai raru ca usamu lu nomu talianu, e n ginirali usamu lu diminutivu sicilianu (Cicciu, Turi, Peppi, ecc.) ma a li voti usamu puru lu nomu sicilianu sanu (Franciscu, Sarvaturi/Sarbaturi, Giuseppi/Jiseppi, ecc.). Li furmi diminutivi e chiddi sani s'attròvanu macari nta tutta la littiratura siciliana (chidda scritta n sicilianu). Ti pozzu diri ca puru si lu mè nomu di nàscita (ufficiali) è Salvatore tutti l'amici siciliani mè e tutti li parienti siciliani mè mi chiàmanu "Turi", "Sarvaturi", o "Turiddu" e nun haiu nuddu prubbrema cu chistu.

• Pi li cugnoma siciliani (o itàlici n ginirali), ci sunnu cristiani ca li prunùnzanu â taliana e ci sunnu chiddi ca li prunùnzanu â siciliana (e n particulari addibbulìscinu l'ùrtima littra si è na "e" o na "o" pirchì è la funètica naturali di la nostra lingua).

Pi l'artìculi ca scrivemu nta scn.wiki facemu lu stissu (e mittemu nomu e cugnomu taliani nta l'artìculu): Wikipedia:Pulìtica di traduzzioni.

Nota: T'arricordu ca tannu lu cuvernu talianu dicidìu di talianizzari li noma dî cumuni siciliani e li cugnoma siciliani: Abbate (Abbati), Abbaco (Àbbacu), Abbagnato (Abbagnatu), Pomara (Pumara), Accaputo (Accaputu), Acciaro (Acciaru), Acquaro (Acquaru), Accillaro (Accillaru), Acabo (Acabbu), Addamo (Addamu/Adamu), Affatigato (Affatigatu), Affronzio (Affronziu/Affronzu), Affatato (Affatatu), Agnone (Agnuni), Agliazzo (Agghiazzu), Aglialoro (Agghialoru), Agostaro (Agustaru), Agliastro (Agghiastru), Aguanno (Aguannu/Avannu), Aina (Ajna, Avina), Aita (Àjta), Aiello (Ajellu), Alaimo (Alàjmu), Alcamo (Àlcamu), Albori (Alburi), Albarano (Albaranu/Alberanu), Calamaro (Calamaru), Caruso (Carusu), Cavallaro (Cavaddaru), Finazzo (Finazzu), Finocchiaro (Finucchiaru), Giarratano (Giarratanu), Lisciandrello (Lisciandreddu), Riggio (Riggiu), Russo (Russu), Tumminello (Tummineddu), Amorelli (Amureddi), Gambera (Gammera/Jammera), Amoruso (Amurusu), Ammannato (Ammannatu), Amendola (A mènnula), ecc.

Ti salutu

--Sarvaturi (msg) 00:47, 27 mar 2008 (UTC)

Martin Weinek aiutinu de l'italianu

Vasamu li mani a vossìa, sugnu calabbrisi, ma puttroppo nun scrivu tanto bonu lu dialetto. ppe cortesia vussìa m'aiutassi a scrivere l'articulu e chissu cristianu ccà nto lu sicilianu puru? e' l'atturi du Commissariu Rex, ma mo' cumu mo' a vuci è picciottella, ppe cortesia sempre, m'aiutassi alla scrivere in sicilianu, pigghiandu spuntu da vucia italiana? grazzie assai assai in anticipu!--Lodewijk Vadacchino (msg) 16:25, 19 giugn 2008 (UTC)