Ereo85

Ciau, sì l'articuli sunnu taliati tutti e cuntrullati di l'amministratura. Nun ti prioccupari siddu ti scanti a scriviri. L'autri ponnu currèggiri li sbagghi eventuali. Li contribbuti sunnu binvinuti. Si pònnu tradùciri li vuci di l'autri wikipedî, naturalmenzi. Salutamu. Peppi

Ciau Ereo - cunfermu zoccu scrissi Peppi - putissi scrìviri zoccu voi - cci nni damu tutti quanti n'ucchiata. Salutamu. πίππύ δ'Ω∑ - (waarom? jus'b'coz!) 10:18, 21 Austu 2006 (UTC)

Duvìri

Ciau Ereo85, lu verbu sicilianu "duvìri" veni di lu verbu latinu "debère" ("de-habère" zoè "nun pussèdiri"). Siddu voi sapìrinni cchiossai poi jiri ddà: Etimoluggìa. N sicilianu littirariu si prifirisci spissu usari lu verbu "avìri a + nfinitu" mmeci di lu verbu "duvìri + nfinitu". Salutamu. --Sarvaturi 16:45, 29 Nuvèmmiru 2006 (UTC)

Si, la cosa curiusa, è ca la forma "aviri a + nfinitu" si usa nun sulu n sicilianu, ma puru spissu n francisi Ex. J'ai ça à faire pi Aggiu a fari chistu) e ntô ngrisi (Ex. I have to go pi mi n'aggiu a iri). In italianu stranamenti nun si usa.... Salutamu. Peppi --Gmelfi 17:46, 29 Nuvèmmiru 2006 (UTC)

Ntô spagnolu asìstinu li formi "deber" e "tener que", ma asisti macari la forma "haber de + infinito". Salutamu --Sarvaturi 10:09, 30 Nuvèmmiru 2006 (UTC)

Grazzi a tutti, di cori!!!Nun c'avia fattu casu d'à vustra risposta...talìava sempri la paggina di li discussioni...Auguroni!!!! Ereo85

Pregu. Salutamu! --Sarvaturi 22:16, 30 Dicèmmiru 2006 (UTC)

Ricanuscimentu di la lingua siciliana

Ciau Ereo85, sta sira haiu arricivutu l'ùrtima newsletter di lu partitu pulìticu sicilianu "L'Altra Sicilia", e sta newsletter è veru ntirissanti pirchì pruponi di fàciri arricanùsciri lu sicilianu comu na lingua ufficiali dâ Sicilia (nta nu bilinguismu sicilianu-talianu ufficiali). Stu partitu voli ntrodùciri lu Sicilianu e àutri "materi" di civilitati siciliana (storia, littiratura, tiatru, ecc.) ntê scoli di l'ìsula. Stu partitu voli li ducumenti pùbbrici 'n sicilianu, li nzegni 'n sicilianu, li nnicazzioni stratali 'n sicilianu, e voli macari la criazzioni di na radiu-tv autenticamenti siciliana.

Pi sapìrinni cchiossai poi lèggiri l'artìculu ccà:

Laltrasicilia.org: Pruggettu linguìsticu di L'Altra Sicilia: pi lu bilinguismu ufficiali 'n Sicilia

Viva la Sicilia!

Salutamu! --Sarvaturi 20:20, 4 Dicèmmiru 2006 (UTC)

Discussioni, missaggi, Cìrculu, ecc.

Ciau Ereo85, grazzi pi lu tò ùrtimu missaggiu ntô Cìrculu nta st'argumentu Varianti siciliani parrati ntâ Calabbria.N'atra cosa, m'hai a scusari, ti vogghiu diri ch'è megghiu siddu firmi (p'asempiu scrivennu "Ereo85") li tò missaggi e discussioni. Accussì tutta la genti poti sapri cu è ca scrivìu nu missaggiu o na discussioni. Grazzi. Salutamu! --Sarvaturi 17:46, 10 jinnaru 2007 (UTC)

Elizzioni

Ciau Ereo85. Ti nformu ca ci sunnu elezzioni 'n cursu (pi nu novu amministraturi e pi nu novu bureaucrat). Tu sî nvitatu a vutari. Salutamu! --Sarvaturi 13:06, 11 Marzu 2007 (UTC)