Giovbarone
MI PRISIANTU...
Sugnu Giovanni Barone, fazzu lu giologu e nta stu mumiantu sugnu nta la Toscana a San Giovanni Valdarno! Tutti chiddi ca mi canuscinu o ca mi vuannu canusciri pi approfondiri lu discursu di Vaddilurmu, mi puannu contattari a la mia e-mail giovbarone@virgilio.it
Salutamu a tutti!
PS: E' un piaciri parrari ogni tantu in sicilianu vaddilurmisi, ca vuagghiu ricordari a tutti, è un ddialettu completamenti differenti di qualunqui atru ddialettu di la Sicilia!
E' un piaciri avìriti ntra nuàutri wikipedisti siciliani ! cancia
Giovanni, sugnu Giusi, una di l'amministratura di sta Wikipedia 'n lingua siciliana. Vitti lu travagghiu chi facisti a prupòsitu dû to paisi. Ti ringrazziamu assai pi la nfurmazzioni chi nni dasti supra lu nomu e li fotu ca mittisti. Cuntinua a cullabburari cu nuàutri! Ora ti lassu pirchì vaju a travagghiari pi arridduciri li diminzioni di li fotu e pi trasfurmari lu tò testu 'n sicilianu standard, ca è chiddu ca usamu nta wikipedia; però mi piacissi lassari quacchi frasi comu tistimunianza da parrata ca si usa ntô to paisi. Salutamu! --Giusi 00:05, 24 Uttùviru 2005 (UTC) 17:28, 23 Uttùviru 2005 (UTC)
Bonvinutu cancia
Ciau Giovanni, iu sugnu Turi, unu di li cullabburatura di sta maravigghiusa Wikipedia 'n sicilianu. Sugnu d'accordu cu Giusi, lu travagghiu chi facisti è bonu bonu. Cuntinua d'accussì pi fauri! Lu dialettu dû tô paisi è assai beddu e ntirissanti. Salutamu. --Turiddu
Saluti! cancia
Ciau Giuvanni,
Sugnu Vicè e ti mannu videmma nu bonvinutu! È nu granni piaciri a lèggiri li toi artìculi. Una me nanna era Casteddhubbonisa e vuiautri parrati inta la stissa manera (dialettu di li madunìi)! Speru ca vai a stari cu nui e cullabburari chiui!
vossìa benidica --VingenzoTM 23:43, 23 Uttùviru 2005 (UTC)
Ciau! cancia
Ciau Giovanni - ju sugnu Pippu, nautru amminstraturi, haiu avutu assai chiffari l'urtimi jorna, ma speru ca cci pozzu riturnari tra quattru jorna a cuntinuari comu sempri. Semu sempri cuntintuni avennu chiddi chi ni vonnu junciri, spiciarmenti siddu s'attròvanu ntrâ Sicilia (o armenu quarchi banna cchiù vicinu di l'Australia!). Salutamu. --pippudoz - (waarom? jus'b'coz!) 22:38, 24 Uttùviru 2005 (UTC)