Rscopell

Ciau Rosario - t'addunasti ca Pruvincia di Missina fa ora l'«artìculu dâ simana»? Salutamu! πίππύ δ'Ω∑ - (waarom? jus'b'coz!) 12:56, 31 Austu 2006 (UTC)

Saru - nun fa nenti, ti giuru, pi fauri hai a cuntinuari a scrìviri picchì t'addiventa cchiù fàcili cu tempu. Nni semu sulu 5 o 6 chi scrivemu spissu - e circamu sempri d'attruvari l'àutri chi àmanu la nostra lingua! Pû fattu ca stamu scrivennu n'encyclopedìa, naturalmenti pruvamu a scrìviri lu sicilianu littirariu, allura nun prioccupàriti si quarchirunu ti cancia la tò scrittura anticchia - nun significa nenti di seriu - ma quannu voi scrìviri missaggi nta sti pàggini o ntô Cìrculu - poi scrìviri comu ti veni pi testa! Ntê sti tipi di pàggini pi daveru poi attruvari tutti li parrati siciliani! πίππύ δ'Ω∑ - (waarom? jus'b'coz!) 13:06, 31 Austu 2006 (UTC)

Ricanuscimentu di la lingua siciliana

Ciau Sariddu, sta sira haiu arricivutu l'ùrtima newsletter di lu partitu pulìticu sicilianu "L'Altra Sicilia", e sta newsletter è veru ntirissanti pirchì pruponi di fàciri arricanùsciri lu sicilianu comu na lingua ufficiali dâ Sicilia (nta nu bilinguismu sicilianu-talianu ufficiali). Stu partitu voli ntrodùciri lu Sicilianu e àutri "materi" di civilitati siciliana (storia, littiratura, tiatru, ecc.) ntê scoli di l'ìsula. Stu partitu voli li ducumenti pùbbrici 'n sicilianu, li nzegni 'n sicilianu, li nnicazzioni stratali 'n sicilianu, e voli macari la criazzioni di na radiu-tv autenticamenti siciliana.

Pi sapìrinni cchiossai poi lèggiri l'artìculu ccà:

Laltrasicilia.org: Pruggettu linguìsticu di L'Altra Sicilia: pi lu bilinguismu ufficiali 'n Sicilia

Viva la Sicilia!

Salutamu! --Sarvaturi 20:47, 4 Dicèmmiru 2006 (UTC)

Grazzi assai Sarvaturi. Viva a Sicilia sempri!--Rscopell 19:26, 19 Frivaru 2007 (UTC)Rscopell