Siculu

Ciau, Sìculu. Binvinutu! Speru chi accuminci puru tu a dari quarchi cuntribbutu â nostra wikipedia. Vitti chi facisti quarchi canciu nicu. Iu ci juncci lu liami câ vuci arancia e ntâ vuci arancia ci juncìi puru o partuvalla (si dici puru ntê mè banni). Liggìi lu tò pinseru supra lu sicilianu comu lingua. Sugnu d'accordu cu tuttu chiddu chi dicisti. Pi chistu la megghiu cosa è di cuminciari a travagghiari ê nostra wikipedia, juncennucci ogni jornu una o dû paroli. Nun ti prioccupari si nun si sicuru di comu scriviri lu sicilianu. C'è sempri quarcunu chi l'aggiusta secunnu li reguli grammaticali chi foru aduttati pi stu prugettu. Salutamu. Peppi.

Ciau Siculu - ti dugnu la me bonvinuta e ti ndrizzu a Wikipedia:Cumpenniu Stilìsticu, chi rapprisenta la nostra duttrina e li nostri prifirenzi p'usari lu sicilianu littirariu ntâ wikipedia siciliana. Salutamu e a prestu! πίππύ δ'Ω∑ - (waarom? jus'b'coz!) 23:05, 21 jinnaru 2007 (UTC)

• Ciau Siculu, ju macari ti dugnu lu bonvinutu. Salutamu! --Sarvaturi 08:28, 22 jinnaru 2007 (UTC)

Dàrini na manu - Aiutàrini

Ciau Siculu, grazzi pi li tò cummenti ca sunnu tutti assai ntirissanti. Nun ti prioccupari, sapemu tutti ca ni voi dari na manu, ma hai a capiri ca nun putemu accittari li formi ortugràfichi ca pruponi tu, pirchì nuddu littiratu sicilianu famusu li usau. Siddu ni pruponi na forma curretta, l'accittamu. Ti cunzigghiu di lèggiri lu Cumpenniu stilìsticu. Doppu avìrilu liggiutu, poi scrìviri artìculi (cu l'ortugrafìa bona) nta sta wikipedìa: sulu accuddì ni poi aiutari afficacimenti. Salutamu! --Sarvaturi 13:21, 22 jinnaru 2007 (UTC)

Sicilia, Patria mia

Ciau Siculu,

Ti scrivu a prupòsitu di l'innu nun ufficiali dâ Riggiuni Siciliana ("Sicilia, Patria mia"). Sai ca poi:

• scarricari lu mp3 ccà banna
• scarricari la cupirtina ccà banna
• scarricari la partitura ccà banna
• lèggiri lu testu ccà banna

Salutamu!

--Sarvaturi

Nuatri semu un Pòpulu pi sempri !

Pàggina d'utenti

Ciau Siculu, criju ca mi dicisti ca tu si nu studenti e c'hai 19 anni. T'arricordu ca poi scrìviri cosi (etati, pruvincia, cumuni, attivitati, ecc.) ntâ tò pàggina d'utenti. Accussì, la genti ti pò canùsciri cchiù megghiu. Salutamu! --Sarvaturi 13:19, 26 jinnaru 2007 (UTC)

Ma chi libbru?

Ciau Siculu, criju ca ti scurdasti di dìrimi lu tìtulu di lu libbru ca parri tu. E mancu mi dicisti lu nomu e lu cugnomu di l'auturi di stu libbru. Mi li poi diri pi fauri. Grazzi.

Sacciu ca ci sunnu arcuni pueti siciliani muderni c'ùsanu la "ddh" (comu a li pueti pugghisi) ma la littiratura clàssica siciliana cchiù famusa usau sempri "dd".

E a prupòsitu dâ funètica dâ lingua siciliana:

- um-passu (un passu)

- um-masu (un vasu)

- un-zishilianu (un sicilianu)

- 'm-Paliemmu ('n Palermu)

- San-Numìnicu (San Dumìnicu)

ecc.

Li formi "um-passu", "um-masu", "un-zishilianu", "m-Paliemmu", "San-Numìnicu" sunnu formi funètichi ma accura, la funètica pò canciari ntê diversi zoni dâ Sicilia.

Li formi "un passu", "un vasu", "un sicilianu", "n Palermu", "San Dumìnicu", sunnu formi scritti (littirari) ca s'ùsanu nta tutta la Sicilia e ca unìficanu la nostra lingua.

E a prupòsitu di "un fiore", 'n sicilianu asìstinu li prununzi "un sciuri", "na sciura", "un çiuri" (forma cchiù diffusa), "na çiura", e puru "un xxiuri" (la "xx" è na littra arbanisa). Ma la maiuranza dî granni littirati siciliani usaru l'ortugrafìa "un ciuri".

Salutamu! --Sarvaturi 00:20, 5 Frivaru 2007 (UTC)

Libro Si chiama "La Fiera Del Nigrò" l'autore il mio professore Salvatore Trovato,è interessantissimo questo libro,te lo consiglio!

• Ciau Siculu, grazzi pi la nfurmazzioni. Salutamu! --Sarvaturi 14:02, 5 Frivaru 2007 (UTC)

Comu cuntribbuiri

Ciau Siculu, t'haiu arrispunnutu ccà : Wikipedia:Circulu#Anche wikipedia. Salutamu! --Sarvaturi 14:02, 5 Frivaru 2007 (UTC)

Nun t'affruntari!

Ciau Siculu, t'haiu arrispunnutu ccà: Wikipedia:Circulu#Le mie opinioni e i miei pensieri sul siciliano. Salutamu! --Sarvaturi 14:45, 5 Frivaru 2007 (UTC)