VingenzoTM~scnwiki

et/e

Vicè, cridu ca in sicilianu putemu usari tutti e dui li maneri; pâ Wikipedia avemu usatu sulu (o chiossai) e. Salutamu! --Giusi 01:18, 17 Uttùviru 2005 (UTC)

• Finalmenti ti criasti la pàggina d'utenti! --Giusi 01:19, 17 Uttùviru 2005 (UTC)
  • Ciau Vicè - sugnu d'accordu cu Giusi (pi tutti du punti!). Ju nun nn'haiu vistu mai «et», mi pari cû sicilianu scrittu ca nuddu si priòccupa siddu «e» s'attrova appressu a «è». Chissu dittu, comu sapemu, è nautra storia quannu du «a» si ncòntranu, p'asempiu, «avemu âccatari» o puru «amâ ccattari», o siddu du «è» s'attròvanu nzèmmula, p'asempiu, qual'egghiè, cuegghiè o puru chiegghiè (nun sugnu sicuru d'ortugrafìa). Ma mi pari ca sta forma «-gghi» si usa sulu pû verbu «è» e no pâ cunjugazzioni «e». Comu dicemu pi ngrisi, chiaru comu u fangu! Salutamu. --pippudoz - (waarom? jus'b'coz!) 01:50, 17 Uttùviru 2005 (UTC)
• Mi fa assai piaciri ca turnasti pi dari lu to cuntribbutu!! ccà travagghiamu tutti quanti secunnu lu tempu chi avemu. Salutamu! --Giusi 02:01, 17 Uttùviru 2005 (UTC)

Aci Casteddu

Vicè, t'arrispunnu sulu oi pirchì aieri mi jivi a curcari giustu dui minuti prima chi mi mannasti lu missaggiu. Vitti l'artìculu e mi piacìu assai. Curriggivi 4 fissarìi. Ti vulìa diri ca nta lu Cumpenniu Stìlisticu, sutta lu capìtulu "Normi Spicìfichi Accittàbbili" c'è sta frasi: "Palori chi hannu persu la "i" nizziali nun usanu l’apostrufu, p’asempiu: mpurtanti, gnuranti, nzignari, ecc." Quinni è prifirutu mèttiri "ntiressi" e no "intiressi", "ntornu" e no "intornu", eccètira. Ti vulìa dumannari chi è chi signìficanu li palori Rinescimenti e avanta ca iu nun canusciu. Salutamu! --Giusi 12:54, 18 Uttùviru 2005 (UTC)

• Ju mi addunai na cosa strammata: «Lu nomu Aci Casteddu veni di lu stissu casteddu assittatu supra na vicina cullina di petra làvica. Fu fabbricatu nna lu 1706 di li Nurmanni.» Nun pò essiri lu «1706», forsi vulisti diri «1106»? picchi la pròssima riga dici ca vinni distrudutu ntô 1170 dûn tirrimoto. Salutamu. --pippudoz - (waarom? jus'b'coz!) 13:09, 18 Uttùviru 2005 (UTC)
• Pippu, veru è! --Giusi 13:12, 18 Uttùviru 2005 (UTC)
• Minchia! Raggiuni aviti - fici un granni sbagghiu, avi a èssiri 1076 mmeci di 1706! Grazzii --VingenzoTM 17:07, 18 Uttùviru 2005 (UTC)
• Vicè, vidi ch'è bonu travagghiari tutti nzèmmula? Si sapissi quanti sbagghî m'hannu capitatu a mia... Travagghiari nzèmmula è la forza di sta Wikipedia! Nn'ajutamu l'unu cu l'àutru. Pi quantu riguarda «avanta» iu mittissi n'autra v e lu facissi addivintari «avvanta» (masinnò ci livassi la a: «vanta»). Nta lu secunnu casu cridu ca la megghiu traduzzioni pi "Fiorente l'allevamento di bovini" fussi «Assai sviluppatu...».

Mi piacissi ascutari (bonu... lèggiri!) li parirî di Pippu e di Peppi. Ti vulìa diri puru ca avemu a stari accura a rispittari li normi pû copyright, non sulu pî mmàggini, ma puru pî testi. Salutamu! --Giusi 17:51, 18 Uttùviru 2005 (UTC)

Nu/un

Ciau Vicè - siddu nun mi sbagghiu, cci avemu arristatu cu tutti dui, e chissu nun mi duna cchiui fastidiu (vogghiu diri, usannu tutti dui aguarmenti) - ma certamenti, davanti â «s» mpura o â «z», usamu sempri «nu» (la nostra grammàtica dici propiu accussì). Ti dicu na cosa ca mi addunu scrivennu pi sicilianu - avennu na scelta di formi tanti voti rapprisenta na ricchezza p'esprimirisi. P'asempiu, si pò usari nni, nna e nta, (e puru ntra, tanti voti) tutti quanti aguarmenti. Comu dici Bonner, l'usu si trattu cchiù dû sonu mmeci dâ grammatica. Ma chi cosa maravigghiusa! Aviri sta pussibbilitati di schègghiri la forma chi havi lu sonu megghiu - pi chissu, dicu ca rapprisenta na richezza pî scrittura dû sicilianu mmeci dûn prubbrema. Pi mia, pi quanti riguarda «nu» e «un», è la stissa cosa, usamu chidda forma chi prifiremu - pî littura nun cci fannu nudda diffirenza - si capisci lu stissu. Pi quantu riguarda la/lu/li - sapemu ca chissi sunnu li formi littirarî, dunca avemu raciuni addicchiarili li formi standard (e si usa a/u/i quannu unu voli riflèttiri pricisamenti la palora parrata, p'asempiu, pû tiatru u puru la puisia). Nun dicu ca nn'avemu tutti li suluzzioni, ma armenu avemu abbastanti pi jiri sempri avanti, scrivennu e liggennu tanti articuli scritti ntôn modu seriu, li formi megghiu si manifèstanu cchiù facili (secunnu a mia) - ma pi l'autra manu, tanti voti si vidi chiaramenti ca nun mporta siddu cc'è una forma ùnica, o cci sunnu dui o tri formi. Salutamu. --pippudoz - (waarom? jus'b'coz!) 03:41, 25 Uttùviru 2005 (UTC)

Ciau!

Ciau Vicè - mi fici cuntintuni vidiri lu tò nomu ntra ccà nautra vota. Salutamu. ρ¡ρρµ δ→θ∑ - (waarom? jus'b'coz!) 23:53, 11 jinnaru 2006 (UTC)

Grazzî

Vicè, grazzî pi chiddu chi scrivisti ntô missaggiu chi mi mannasti. Lu cunzigghiu chi mi dasti (di mèttiri ccà ntâ pàggina dû Circulu dâ Wikipedia chiddu chi scrissi ntô Forum Linguasiciliana) mi pari giustu e lu vaju a fari ora stissu. Na vota scrissi dui righi supra l'accentu tònicu e scrissi puru ca un jornu, truvannu lu tempu lìbbiru pi fàrilu, m'avissi mittutu a scrìviri quarchi àutra cosa supra a stu tema di l'accentu: era propiu chiddu ca scrissi ntô Forum di Linguasiciliana aieri. Vitti ca puru Pippu è daccordu. Salutamu! --Giusi 01:45, 12 jinnaru 2006 (UTC)

en:Talk:Vincent Schiavelli

Fattu! ρ¡ρρµ δ→θ∑ - (waarom? jus'b'coz!) 00:53, 18 jinnaru 2006 (UTC)

• Ju nun haiu pututu attruvari sta duttrina di cui iddu parra - tu sai unn'è? ρ¡ρρµ δ→θ∑ - (waarom? jus'b'coz!) 03:48, 18 jinnaru 2006 (UTC)

Urtugrafìa siciliana

Vinginzu,

Ti scrivu p'assignalàriti nu situ ntirissanti:

http://digilander.libero.it/sergiodigiorgi/gramm_sic.htm

Salutamu!

Turiddu

Lingua siciliana e pòpulu sicilianu

Ciau Vicè,

Haiu asciatu na pàggina scritta 'n sicilianu:

http://www.laltrasicilia.org/modules.php?name=News&file=article&sid=663

Salutamu! Turiddu

Nu Forum n sicilianu supra IRC

Ciau Vicenzu, ti scrivu pi nfurmari a tìa ca comu p'ogni pruggettu wikipedia ora asisti nu forum lestu nostru supra IRC. Attuarmenti ci semu ju, Santu e Carmelu e spiramu ca sta cumunitati di wikipidiani siculòfuni va a fàrisi cchiù granni cu lu passari di lu tempu. Ovviamenti puru li nun-wikipidiani ponnu vèniri a discùrriri cu nuiàutri. Siddu voi sapiri cchiù nfurmazzioni supra sta maravigghia poi liggìriti l'ammasciati nostri ntô Cìrculu. Salutamu. --Sarvaturi 19:56, 22 jin 2008 (UTC)

Il tuo nome utente sarà cambiato

Ciao,

I tecnici della Wikimedia Foundation stanno modificando il funzionamento delle utenze. Ciò fa parte dei nostri continui sforzi per fornire nuovi e migliori strumenti ai nostri utenti, come le notifiche interwiki. Di conseguenza, ogni utente avrà lo stesso nome utente su tutti i progetti. Ciò renderà possibili nuove funzioni per modificare e discutere meglio, nonché permessi utente più flessibili. In particolare, i nomi utente dovranno ora essere univoci in tutti i 900 progetti Wikimedia. Per maggiori informazioni, leggi l'annuncio.

Sfortunatamente, un'altra persona usa il tuo nome utente, "VingenzoTM", altrove. Per essere sicuri che in futuro entrambi possiate contribuire senza problemi ai nostri progetti, il tuo nome utente sarà cambiato in "VingenzoTM~scnwiki". Se ti piace, non serve che tu faccia nulla; ma puoi richiedere un nome utente diverso. Se pensi che potresti possedere tutti gli accounts con questo nome e che questo messaggio sia errato, visita per favore Speciale:UnificaUtenze per verificare e unire tutti i tuoi vecchi account al fine di evitare che siano rinominati.

La tua utenza funzionerà esattamente come prima e ti saranno attribuite tutte le modifiche che hai fatto, ma dovrai usare il tuo nuovo nome utente per accedere.

Ci scusiamo per il disagio.

Cordialmente,
Keegan Peterzell
Community Liaison, Wikimedia Foundation

09:11, 20 mar 2015 (CET)

Rinominato

Questo account è stato rinominato nell'ambito del completamento del login unificato. Se questo account è il tuo, puoi accedervi usando la tua precedente password e il tuo precedente nome utente per ulteriori informazioni. Se non ti piace il nome di questo nuovo account, dopo l'accesso puoi sceglierne un altro usando questo modulo: Spiciali:GlobalRenameRequest. -- Keegan (WMF) (msg)

12:41, 19 apr 2015 (CEST)