Eusko Alkartasuna
Eusko Alkartasuna (EA) (Sulidaritati Basca 'n sicilianu) è nu partitu pulìticu d'urintamentu nnipinnentista e sucialdimucraticu ca ùpira nnî Paisi Baschi (spagnoli e francisi) e nta Navarra. La sò sedi è 'n San Sebastián. Accamora havi 6.000 iscritti e faci parti di l'Allianza Lìbbira Europea, partitu di li principali muvimenti nazziunalisti europei dû Parramentu Europeu.
Funnazzioni
canciaFunnatu ntô sittèmmiru dû 1986 di Carlos Garaikoetxea, cu prisidenti Manuel Ibarrondo, nasciu comu na currenti artirnativa e scissiunista ntra lu Partitu Nazziunalista Bascu. Nnî anni '80 si avìa marcata la diffirenza nterna a lu PNV ntra li dimucristiani di lu urigginariu PNV e la nova currenti di centru-manca di Garaikoetxea. Lu novu partitu ca s'jiu furmannu si dicìa làicu, o megghiu, "acunfessiunali" (aconfesional), nnipinnentista, sucialdimucraticu e pacifista.
Ntô 30 di nuvèmmiru 1986 si prisintàu pâ prima vota a li elizzioni autunùmichi baschi, annagghiannu cchiù di 180.000 vuti, lu 15,84% dû tutali. Mmeci 'n Navarra pigghiau lu 7,1% nnî sò primi elizzioni furali dô 1987, uttinennu accussì 4 diputati ntû parlamentu navarru.
Mmeci a li sò primi elizzioni municipali uttiniu 442 cunsigghieri, cu nu elitturatu di 193.197 pirsuni (lu 18,05%). Chiossai, cuvernau citati comu Vitoria-Gasteiz e Donostia-San Sebastián e videmma la diputazzioni furali di Guipùzcoa
Eusko Alkartsuna ntî anni '90
canciaLi anni anni '90 rapprisintaru lu piriudu di flissiuni, dû punti di vista di li prifirenzi pulitichi, si cunfruntamu li primi sò elizzioni dû 1986. Nfatti putemu vidiri ca ntra lu '86 e lu '98, la calata elitturali fu di casi lu 50%: di lu 15,84% a lu 8,69% nnî Paisi Baschi, di lu 7,1% a lu 4,56% nta Navarra. Chistu cuntribuìu a allianzi puntuali e nicissari cû PNV, nnî dui cumunitati.