Navarra

La Navarra ('n euskera Nafarroa) è na cumunitati autonuma dâ Spagna.

La Navarra, n virdi ntâ carta dâ Spagna.

Cunfina cù li cumunitati autonumi dê Paisi Baschi a nord-ovest, La Rioja a sud-ovest e Aragona a sud-est e câ Francia a nord-est.

Dâ sò pupulazzioni di 569.628 abbitanti, un terzu campa ntô capulocu, Pamplona ('n euskera Iruña). Àutri citati mpurtanti sù Tudela e Barañain. La Navarra havi 272 cumuni.

Storia

Tempura fa c'era un Regnu di Navarra ca si stinneva nni tutti dui li lati dê Pirenei, ca vinni spartutu ntra Francia e Spagna ntô XVI seculu. La parti dâ Navarra supra lu latu francisi veni chiamata Navarra Vascia ('n bascu Nafarroa Beherea), ntî chiddu ca è oi la riggiuni francisa di li Pirinei Atlantichi.

Lu Regnu di Navarra, ca fu chiamatu apprima macari Pamplona, surgìu ntû 824, quannu Iñigo Arista capiau na rivota cuntra li franchi. L'ùrtimu re di Navarra, Arricu III, succidìu ô tronu di Francia comu Arricu IV di Francia ntî lu 1589. La Navarra arristau nu regnu spartutu sutta la curona francisa nzinu ô 1791.

Sport

Lu spurtivu cchiù famusu dâ Navarra è certu lu cicrista Miguel Indurain. Ntra li sò vittorii cchiù mpurtanti li 5 vinciuti l'una appressu l'àutra ô Tour de France (dal 1991 al 1995) e li 2 Giri di Talia (1992 e 1993). Fu videmma "primatista dû Record dâ Ura".