Felidae
| Felidae | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||
| Classificazzioni scintìfica | |||||||||||||||||||||||||||
| |||||||||||||||||||||||||||
|
|
Felidae (FISCHER VON WALDHEIM, 1817 ) sunnu na famigghia di mammìfiri di l'òrdini dî Carnivora.
Stu gruppu cumprenni du' suttafamigghi: li Panterinae (liuni, tigri, liupardu, giaguaru) e li Felinae (ghepardu, puma, linci, jattu dumesticu ). Li Felidae sunnu la famigghia cu l'abbitùdini carnìvuri cchiù stritti di tuttu l'òrdini. Lu cchiù canusciutu ntra chisti è lu jattu (suttaspeci Felis silvestris catus), ca addivintau n'armalu allatinatu migghiara d'anni arreri. Lu so parenti cchiù vicinu, lu jattu sarbaggiu, campa ancora ntê vuschi di l'Europa, di l'Asia e di l'Africa, puru si la distruzzioni di l'habitat arridducìu la so purtata . Cci sunnu cuntraversi supra â classificazzioni dû jattu dumesticu comu na speci diversa rispettu ô jattu sarbaggiu.
Li tèrmini "jatti granni" (o panterini) sunnu usati puru pi nnicari chiddi ca appartèninu ô gèniri Panthera e "jatti nichi" dû gèniri Felis (rapprisintatu 'n chinu dû jattu). Sti du' gruppa parissi ca sunnu assai sìmili nta tanti aspetti, ma sunnu diversi nun sulu nta li grannizzi: la megghiu diffirenza è ca li felini nichi, ca ànnu n'ossu chiamatu jòidi ntâ basi dâ lingua, si ponnu ncudari ma nun ponnu runguliari; ô cuntrariu, li jatti granni, ca ànnu cartilàggini flissìbbili ô postu di l'ossu, ponnu runguliari ma no 'n sicutanza. N'autra diffirenza è ca la vavareḍḍa dî jatti nichi àvi nu tagghiu virticali, mentri li jatti granni tènninu a aviri tagghi uvali o tunni. Com'è-è, cci sunnu eccizziuna: Panthera uncia, p'esempiu, è classificatu ntra li jatti granni, ma nun rungulìa e si nùtrica mentri è aggiuccatu comu li jatti nichi .
Lu Felidae cchiù granni è la tigri dâ Sibberia (Panthera tigris altaica), ca po agghicari a 325 kg, mentri lu cchiù nicu è Prionailurus rubiginosus, ca pisa mmeci ô màssimu 1,6 kg.
Nta stu gruppu cc'è puru la suttafamigghia estinta di li Machairodontinae, comu a Smilodon, ammintuvati pî denti a furma di sciàbbula.
Evuluzzioni e Classificazzioni
canciaLi primi Felidae nisceru ô largu ammeri 30 miliuna d'anni arreri, partennu d'armali sìmili ê Viverridae.
Ô munnu accamora si cùntanu 46 speci di Felidae, tutti cu n'antinatu cumuni ca campau 'n Asia na 10ina di miliuna d'anni arrè e di cca si spannìu a tutti li cuntinenti.
| Felidae |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||