Firranninu d'Arauna

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

Firdinannu II d'Arauna, du ramo ri Napuli, ghiera canusciutu ra gienti ri so tiempi chiossai cuomu Firranninu oppuri - pi nun lu scanciari cu sa nannu - cuomu Firrannu minuri o Firnannu. (Napuli, 26 giugnu 1467 – Napuli, 7 uttuviru 1496). Fui re 'i Napuli pi quasi du anni, dau 23 jnnaru 1495 au 7 uttuviru 1496.

Ghiera figghiu ri Fonziu II d'Arauna e Ippolita Maria Sforza, niputi 'i re Firranti, titulari du regnu 'i Girusalemmi.

Firranninu ghiera bieddu assai, picciuttieddu curaggiusu, buonu, bravu e sapuritu, e infatti ci piaceva assai ai fimmini, ca ci si javinu a ghittari r'incuoddu. Parieva c'avieva nasciutu pi fari a pugna e nonostanti chissu ghiera nu carusu studiatu, amanti di la cultura, da musica e di l'atri arti. Fu nu suvranu veramenti amatu da u so populo pirchini ghiera magnanimu, giustu e onoratu, e no comu ddu fuoddi di sa patri Fonziu chi java assicutannu a povira gienti pi piaciri comu fussiru jaddini.

A vita

Già di carusu quannu avieva quartordici anni sa nannu Firranti u mannau 'nt'Abruzzu a fare un cunnuttieru e crisciennu Firranninu siempri cummattiu pa difesa du regnu contra li nimici di dintra e di fuora. Duoppu ca muriu sa nannu, quannu arrivaru i francisi pi conquistari Napuli, sa patri Fonziu nisciu chiù fuoddi di quantu jera e sinni fuiu a Missina, lassannucci u regno 'nta i manu au figghiu.

Puru chi ghiera ancuora picciuttieddu e si vitti tradutu di tutti i cumannanti, Firranninu cu tutti i so forzi arrinisciu a firmari l'invasioni francisi e a ittari re Carlu'ttavu fuora ri Napuli. All'ultimo quannu ormai s'avieva arripigghiato tutti cuosi, s'infirmau di malaria e muriu ca 'un c'avieva manco trint'anni, chianciutu di tutta a so famigghia e di tutto u populu 'i Napuli.

S'avieva maritatu a sa zia Giuvanna, ca iera figghia ri sa nannu e di n'autra mugghieri, ma siccuomu muriu tiempu nienti ca s'avieva maritatu 'unn'appi mancu figghi e u regnu su pigghiau in ereditati sa ziu Firicu, nu mienzu babbu ca tiempu nienti c'u fici pigghiari arrieri ai francisi.