Gastrectumìa

Croce bianca e rossa.png La nfurmazzioni ripurtata ccà sutta riteni sulu nu scopu llustrativu: nun si ntenni d'èssiri né na rifirenna né nu cunzigghiu mèdicu.


La gastrectumìa è l'opirazzioni chirùrgica chi cunzisti ntû tagghiu parziali o tutali dû stòmacu.

Stomach002.svg

Si ricurri a sta tècnica pi tutti li malatìi dû stòmacu chi hannu pirtinenza chirùrgica, sparti dî vozzi binigni nichi. Praticamenti, li principali applicazzioni sunnu: ùlcira gastru-duodinali cumpricati (percia, murraggìa, apprèttitu di na vina) e carcinoma gàstricu.

TipiModifica

Si distìnguinu tri tipi di gastrectumìa:

  • gastrectumìa allargata
  • gastrectumìa tutali
  • gastrectumìa parziali.

Gastrectumìa allargataModifica

Cunzisti ntû tagghiu di tuttu lu stòmacu e dî tissuti cèllulu-linfàtici vicini.
Veni affittuata suprattuttu 'n prisenza di cancru ô stòmacu.

Gastrectumìa tutaliModifica

Cunzisti ntû tagghiu dû stòmacu, dû cardias â vucca di vudeddu.
Lu mugnuni di cannarozzu veni culligatu drittamenti ô ntistinu ìleu o ô colon, e crisci allargànnusi prugrissivamenti e rinesci a furmari na speci di stòmacu novu (neostòmacu). Asisti puru na gastrectumìa suttatutali cu dui tipi d'opirazzioni:

  1. Gastruenterostumìa a Y (o gastruenterostumìa secunnu a Roux): un mugnuni di stòmacu veni culligatu c'un stremu sizziunatu di curva ntistinali, quindi si cullega lu duodenu latiralmenti a la curva ntistinali stissa
  2. Anastomosi a ω (o gastruenterostumìa secunnu a Bilroth II): culligannu lu mugnuni câ cunvissità d'una dî primi curvi ntistinali, chi veni disposta a furmari la littra greca omega majùscula.

Gastrectumìa parzialiModifica

Cunzisti dû tagghiu di na parti dû stòmacu. La riduzzioni abbeni 'n quatri patològgici chi hannu sedi elettiva ntô tissutu custitutivu dû stòmacu, quali l'ùlcira gàstrica e l'ùlcira duodinali.
Lu tagghiu cumporta quasi sempri l'eliminazzioni puru dâ vucca di vudeddu. Lu trànzitu dû stòmacu ô ntistinu veni assicuratu di na gastruduodinustumìa, cchiù friquentimenti lu culligamentu abbeni tra lu mugnuni dû stòmacu e lu diggiunu (opirazzioni di Polya, opirazzioni di Finsterer, opirazzioni di Kocher, ecc.).

CunziquenziModifica

La mancanza tutali o suttatutali dû stòmacu, ìmplica l'ammancata pruduzzioni di sucu gàstricu, di ddà lu gastrectumizzatu ci'havi bisognu di n'alimintazzioni particulari. Lu manciari havi a èssiri particularmenti diggirìbbili e assai frazziunatu nta l'arcu dâ jurnata. Nzèmmula a chissi ponnu èssiri sumministrati puru enzimi prutiulìtici armali o viggitali (tripsina, pepsina, bromelina, papaina, ecc.).

  Nta Commons s'attròvanu àutri mmàggini rilativi a Gastrectumìa.


Midicina
  Tutti l'artìculi di Midicina | Tutti li Malatìi | Spicialità Mèdichi