Gianni Bella
Gianni Bella (ca nascìu a Catania, lu 14 di marzu di 1946) è un cantauturi sicilianu. Doppu aviri guidatu comu cantanti e chitarrista arcuni gruppi catanisi, â fini di l’anni '60, Gianni Bella si trasfirisci a lu nord a lu sèquitu di la juvinìssima soru Marcella, c’havi ammizzioni comu cantanti e partècipa a lu Cantagiro '70. Ntô 1972 'Montagne verdi', firmata di Bella nzèmmula a Giancarlo Bigazzi, partècipa a lu Festival di Sanremu e scala li classìfichi. Mentri la soru si mponi comu una dî cantanti taliani di maiuri successu, Gianni accumenza la propia carrera sulista, sempri cu l'aiutu di lu paruleri Bigazzi, e sùbbitu utteni un bon èsitu cu 'Più ci penso' (c’arresta dû 3 d’austu a lu 23 di nuvèmmiru di 1974 ntâ top ten taliana). Dui anni doppu, l'exploit: Bella dòmina li classìfichi estivi cu 'Non si può morire dentro', vincitrici di lu Festivalbar. Ntô 1978 si mponi novamenti ntâ manifistazzioni di Vittorio Salvetti, cantannu 'No'. Nta l’anni '80, a l'attivitati di sulista e d’auturi pâ soru (pi la quali scrivi tra l'àutru 'Nell'aria' e 'Il mio cielo puro'), accumenza la cullabburazzioni cu Mogol, c’addiventa sò paruleri e prudutturi. Â fini di l’anni '90, firma unu dî maiuri successi dâ carrera d’ Adriano Celentano, 'L'emozione non ha voce', grazzi â quali l'arbum 'Io non so parlar d'amore' arresta pi dù anni circa ntâ top 50 taliana. Ntô 2001 partècipa a lu Festival di Sanremu, prisintannu 'Il profumo del mare'.
Li successi
cancia- 1974 Più ci penso
- 1976 Non si può morire dentro
- 1977 Io canto e tu
- 1978 No
- 1979 Toc toc
- 1980 Dolce uragano
- 1981 Questo amore non si tocca
- 1983 Il patto
- 1985 L'ultima poesia (cu Marcella Bella)
- 1988 Due cuori rossi di vergogna
- 1990 Verso l'ignoto (cu Marcella Bella)
- 1991 La fila degli oleandri
- 2001 Il profumo del mare
- 2007 Forever per sempre (cu Marcella Bella)