Giugnu 2009
| 2008 | Abbinimenti dû 2009 | 2010 |
|---|---|---|
| Jinnaru 2009 | Frivaru 2009 | Marzu 2009 | Aprili 2009 | Maiu 2009 | Giugnu 2009 | Giugnettu 2009 | Austu 2009 | Sittèmmiru 2009 | Uttùviru 2009 | Nuvèmmiru 2009 | Dicèmmiru 2009 | ||
Italia
cancia- Viareggiu: Nu trenu merci chi traspurtava gas metanu diragghiau e na nuvula di gas si libbirau, scoppiannu ntô quartieri dâ stazzioni, facennu 13 morti e distruennu dù palazzini.
- Termini Imiresi: L'opirai dâ FIAT dicisiru di sciopirari contra lu pruggettu di ricunvirsioni dâ fabbrica, chi secunnu li managger a partiri dû 2012 nun avissi a prudùciri cchiù machini.
- Lampidusa: Lu stissu esimplari di tartaruga marina dâ speci caretta caretta chi tri anni fa fici 5 nida â spiaggia dî cunigghi turnau la notti passata ntâ stissa spiaggia, lassannu 87 ova.
- Gela: Li summuzzatura dî Carrabbinera ricupiraru riperti archiològgici di èbbica greca, rumana e bizzantina ô larucu dî costi gilisi.
- Trapani: Diversi pirsuni foru arristati. Sunnu accusati di cupriri la latitanza di Matteu Missina Dinaru, lu ricircatu nùmmuru unu dâ mafia.
- Roma: Muamar Gheddafi è n visita ufficiali a Roma
- Napuli: Sei camurristi foru arristati.
- Roma: Ntî tutta l'Europa ci foru oggi l'elizzioni pi lu rinnovu dû parramentu europeu. N Italia, comu ntî l'autri paisi, li partiti cunsirvatrici vinciunu contra li vari furnazzioni prugrissisti.
- Stignanu: Na varca cu na sittantina d'immigrati kurdi e irakeni sbarcau stanotti â spiaggia. 26 foru arristati quarchi ura doppu â stazzioni.
Munnu
cancia- Stati Uniti: Bernard Madoff guru dicadutu dâ finanza munniali fu cunnannatu a 150 anni di carciri pi aviri urganizzatu lu cchiù granni mbrogghiu cu nu purtusu di 50 miliardi di dollari.
- Wimbledon: Accuminza la secunna simana dû turneu di tennis cchiù pristiggiusu dâ staggiuni. Roger Federer, addoppu la rinunzia di Rafael Nadal, parti favuritu pi vinciri lu sò 15mu turneu dû Granni Slam
- Los Angeles: Granni emuzzioni ntî tuttu lu munnu pi la morti a sulu 50 anni di Michael Jackson, chi a menzornu appi n'attaccu di cori chi l'ammazzau.
- Teheran: Secunnu li risurtati ufficiali, cuntistati di l'uppusizzioni, lu prisidenti n carrica Mahmud Ahmadinejad vinciu li elizzioni prisidinziali. Diversi manifestazzioni di prutesta si tìnniru oggi ntâ capitali e ntî diversi autri cità di l'Iran.
- Pariggi: Roger Federer vinci lu turneu di tennis dû Roland Garros. Cu stu 14èsimu turneu dû Grand Schlem, Federer eguagglia lu record di Pete Sampras.
- Pariggi: n'aeriu di la cumpagnia Air France, chi cullicava lu Brasili câ Francia scumpariu dî radar. Si pensa chi l'aeriu chi havia 226 pirsunu a bordu cadìu ntî l'Oceanu Atlanticu a milli chilòmitri dî costi dû Brasili forsi a causa di na timpesta.