Uttùviru 2009

Munnu

• 9 di uttùviru
• Washington: Lu premiu Nobel pâ paci fu assignatu ô prisidenti dî Stati Uniti Barack Obama.

---

• 6 di uttùviru
• Stoccolma: Lu premiu Nobel pâ midicina fu assignatu a Elizabeth H. Blackburn, Carol W. Greider e Jack W. Szostak. Lu premiu Nobel pâ fisica fu assignatu a Charles K. Kao (Gb), Willard S. Boyle (Usa) e George E. Smith (Usa).

Italia

27 di uttùviru

• Puzzaddu: Lu varcuni agghicau a tuccari terra ieri â menza sira. A bordu c'èranu 298 pirsuni, di cui unu mortu. Ntircittati â nisciuta dâ Libbia, li cuverna dâ Libbia e di Malta avèvanu statu avvirtuti, ma lu varcuni fu succurruti sulu quannu trasiu ntô mari di cumpitenza italiana, doppu quarchi cintinaru di migghia .

---

23 di uttùviru

• Canali di Sicilia: Nu varcuni cu 200 mmigrati extracumunitari s'attrova mmnezu ô mari n burrasca, cu unni àuti 7 metri, a circa 160 migghia a sud di Malta. Né l'auturità maltisi, né l'auturità dâ Libbia ntirvineru pi succurririlli. Na navi italiana agghicau ntê paraggi e appirora si limita a ripararla dî unni grazzi â sò lunchizza di 175 metri, e a lanciaricci geniri di nicissità e acqua.

---

9 di uttùviru

• Belpassu: N'opirazzioni dî Carrabineri misi fini a na riunioni di mafia. Diversi mafiusi tra li cchiù ricircati a liveddu nazziunali, appartineti ô clan Santapaula foru arristati.

---

8 di uttùviru

• Roma: La curti custituzziunali dichiara ncustituzziunali la liggi canusciuta comu lodu Alfanu, chi assicura l'immunità pinali ê quattru càrrichi cchiù mpurtanti dû statu italianu. Lu primu ministru Berlusconi riaggìu â sintenza qualificannula di sintenza pulitica, agghicannu puru a accusari lu prisidenti Napulitanu di partiggiari pi l'uppusizzioni. La sintenza appi nu làricu spazziu ntâ stampa ntirnazzionali unni li ecu sunnu glubbalmenti positivi.

---

2 di uttùviru

• Missina: Na chiuvuta d'acqua fici sdirrupari nu custuni di muntagna, cummugghiannu li paisi di Giampilieri e Scaletta Zanclea, unni si cuntanu appirira 21 morti, quarchi dicina di spersi e danni assai mpurtanti ê casi e ê nfrastrutturi.