Hasekura Tsunenaga

Hasekura Rokuemon Tsunenaga (支倉六右衛門常長, 1571–1622) fu un samurai giappunisi e sirvituri di Date Masamune, lu daimyo di Sendai. Diriggìu n'ambasciata 'n Mèssicu e 'n siquitu 'n Europa ntra lu 1613 e lu 1620, doppu dû quali turnau 'n Giappuni. Fu lu primu ufficiali giappunisi mannatu nta l'Amèrica e lu primu asempiu nutatu dî rapporti tra la Francia e lu Giappuni.

Ritrattu di Hasekura duranti la sò missioni a Roma ntô 1615 pittatu di Claude Deruet, Coll. Borghese, Roma.

Si canusci propiu picca dâ vita pricidenti di Hasekura Tsunenaga, eccettu lu fattu ca fu un samurai d'assai spirienza dâ Guerra dî setti anni sutta lu Taiko Hideyoshi ntô 1592 e ntô 1597.

Approcciu spagnolu

Li spagnoli accuminzaru li soi viaggi attraversu lu Ocèanu Pacìficu tra lu Mèssicu ("Nova Spagna") e la Cina, attraversu la sò basa tirrituriali nnî Filippini, a siquitu dî viaggi di Andrés de Urdaneta ntô sèculu XVI. Manila addivintau la sò basa difinitiva pâ riggiuni Asiatica ntô 1571.

Li navi spagnoli navigàvanu piriudicamenti longu ê costi dû Giappuni a causa dû malu tempu, e accussi nizziaru li cuntatti cû paisi. Li spagnoli spiràvanu di stènniri la riliggiuni cristiana 'n Giappuni. Li tintativi di stènniri la sò nfruenza 'n Giappuni ncuntraru na forti risistenza dâ parti dî Gesuiti, chi avìanu già accuminzatu l' evangelizzazzioni dû paisi ntô 1549, senza mancu ammintuari li portughisi e li ulannisi chi nun si auguràvanu di vidiri la Spagna facennu lu cummerciu chî giappunisi.

Ntô 1609 lu galiuni Spagnolu San Francisco ncuntrau malu tempu ntâ strata di Manila a Acapulco, e naufragau ntâ costa Giappunisi a Chiba, vicinu Tokyu. Li marinari forru sarvati, e lu capitanu dâ navi, Rodrigo de Vivero, ncontrau Tokugawa Ieyasu.

Nu trattatu fu firmatu lu 29 di nuvemmiru 1609, n basi a cui li Spagnoli putèvunu custruiri na nnustria ntî l'est dû Giappuni; li spicialisti in mineraria putèvunu vèniri dâ Nueva España; ô navi spagnoli forra pirmissu di visitari lu Giappuni n casu di necessitati e n'ambasciata Giappunisi forra mannata â curti spagnola.

Liami esterni

• De Japón a Roma pasando por Coria 1614-1620 di Víctor Valencia Japón. Ducumenti di l'ambasciata e lu cugnomu Japón] (pi spagnolu)
• Guida dû tabbù di Hasekura a Enchōzan (pi giappunisi)