Ibn al-Hawwas
Ibn Hawwas (mortu ntô 1067) fu unu di l'ùrtimi cuvirnatura àrabbi di Sicilia. Cuvirnau la riggiuni di Castruggiuvanni e Girgenti doppu ca la Sicilia avia statu spartuta tra diversi cuvirnatura lucali â morti di Hasan as-Samsam. Appi a cummattiri contra l'avanzata nurmanna di Ruggeru di Autavilla. N particulari ntî lu cummattimentu di Cerami dû 1062, li truppi mussurmani, aiutati puru di rinforzi agghicati dî ziriti di Mahdia cumannati di du' figghi di l'emiru zirita Abu Tahir Tamim ibn al-Muizz, Ayoub e Ali, forru battuti.
Morsi ntô 1067, lassannu la so zona di nfluenza a Ayoub, unu dî figghi di Tamim, ca pirò doppu picca tempu, e doppu lu cummattimentu di Misilmeri addicidìu di arriturnàrisi n Ifriqya.