Cummattimentu di Cerami

Lu cummattimentu di Cerami dû 1063 vitti 163 cavaleri normanni capiati di Ruggeru I di Autavilla cummàttiri contra 50000 àrabbi vicinu Cirami, ntâ Sicilia cintrali. Secunnu la liggenna San Giorgiu cumparìu a Ruggeru, e grazzî â sò ntiricissioni lu cammattimentu potti èssiri vinciutu. Cchiù probabbrimenti dâ parti dî nurmanni ci foru 'n certu nùmmuru di siciliani di riliggiuni cristiana chi vulìanu libbirarisi di l'àrabbi.

Lu cummattimentu di Cerami ntî nu quatru dî XIX sèculu.

L'episodiu fu un dî mumenti dicisivi dâ cunquista nurmanna dâ Sicilia. Nfatti finu a du mumentu la prisenza nurmanna 'n Sicilia si limitava a quarchi cintinaru di cavaleri chi si limitavanu ô cuntrollu dâ cità di Missina uccupata ntô 1061 e quarchi àutra vallata isulata a nord di munti Nebbrodi. L'èsitu du cummattimentu grapìu uppurtunitati di espansioni mpurtanti pi l'anni appressu.