Ippasu

Ippasu fu nu matimaticu dâ Magna Grecia, vissutu forsi ntô VI sêculu a.C.. Discepulu di Pitagora, li nutizzi dâ sò vita sunnu mpricisi. Nun si sapi siddu era di Metapontu, di Crutuni o di Sibbari. Secunnu la liggenna muriu ntî nu naufraggiu, comu punizzioni divina pi aviri divulgatu idei scientifici contra intuitivi comu l'esistenza di nùmmura irrazziunali.

Pari chi li so studi supra la ncumminsurabbilità eranu liati â custruzzioni dû pintagunu cu rica e cumpassu, e all'iscrivibbilità dû dudicagunu rigulari ntî na sfera.