Jinnaru 2013

Sicilia e cuntinenti

Strògnuli.

13 di jinnaru

• Stromboli: Di na para di jorna l'attività eruttiva accuminzata na dicina di jorna fa si ntinsificau, agghicannu a manifistarisi cu culati di lava ca scinnunu pi tutta la sciara dû fòcu. Fu dichiaratu di lu INGV lu statu di criticitati elivata.

Munnu

28 di jinnaru

• Timbuctù: L'esercitu francisi, doppu la cunquista di Gao, agghicau a pigghiari lu cuntrollu di Timbuctù, la cèlibbri citati tuareg dû Mali, spincennu lu cummattenti islamichi fora dî citati granni dû nord dû Paisi.

---

22 di jinnaru

• Davos: Ntâ stazzioni sciistica dâ Svìzzira si rapi lu ncontru urganizzatu dû World Economic Forum.

---

18 di jinnaru

• Algeri: Li islamisti dû Mali, ca pigghiaru n ostaggiu cchiossai di 120 travagghiatura uccidintali ntî na basi innustriali dû sud di l'Algiria, foru attaccati di l'esercitu algirinu. l'opirazzioni ancora n cursu, causau ggià na trintina di morti, tra cui armenu 7 uccidintali.

---

17 di jinnaru

• New York: Lu curriduri miricanu Lance Armstrong, n sèquitu ô scannalu dî rivilazzioni di doping ntô ciclismu, cunfessa pubbricamenti n tilivisioni di sìrisi dupatu. Già quarchi misi fa l'Unioni ciclistica ntirnazziunali avìa dicidutu di livàricci tutti li sò 7 vittori ô Tour de France

---

12 di jinnaru

• Pariggi: Lu prisidenti francisi François Hollande annunciau la participazzioni di la Francia ntî n'opirazzioni militari ntô Mali, pi aiutari l'esercitu malianu contra l'uccupazzioni militari dû nord dû Mali di l'islamisti.