Timbuctù

Timbuctù è na antica cità dû Mali di circa 31000 abbitanti. Lu piriudu storicu di massima mpurtanza fu tra lu XIII e lu XV sèculu, quannu fu nu centru mpurtanti pô cummerciu tranzaharianu e unu dî centri culturali cchiù mpurtanti dû munnu di l'èbbica. Custruita ntî na zona di accessu difficili pi chiddi chi vènunu di l'Europa, la cità, accissibbili dû nord sulu pi trazzeri tagghiati ntô disertu chi s'avìanu a fari piggh'jorna o simani, fu pi loncu tempu canusciuta sulu grazzi ô libbru di Liuni l'Africanu dû XVI sèculu, e la cunferma di la sò esistenza n Europa agghicau sulu ntô XIX sèculu.

La muschea Sankore a Timbuctù.

Cunsidirata patrimoniu munniali di l'umanità di l'UNESCU, pi li costruzzioni antichi chi sunnu ancora prisenti, pi lu ccchiossai fabbricati cô fancu rinsiccutu, la cità sarba ancora antichi manuscritti di l'èbbica d'oru.