John Grisham

John Grisham (Jonesboro, 8 di frivaru 1955) è nu scritturi statunitensi di legal thriller.

Biografìa

Secunnu di cincu frati, Grisham nascìu ntî lu 1955 a Jonesboro, Arkansas, ntî na nurmali famigghia di lu sud. Sò patri travagghiau comu upiraiu èdili e cultivaturi di cutuni. Doppu avìrisi spustatu spissu, la famigghia si jiu a trasfiriri ntî lu 1967 ntî la nica citati di Southaven, Mississippi.

Cunzigghiatu di la matri, lu picciottu Grisham addivinìu nu granni litturi, anfruinzatu 'n manera particulari di lu travagghiu di John Steinbeck, ca cci piacìa pi la sò chiarizza.

Ntî lu mentri ca studiava a la Mississippi State University, Grisham accuminciau a scrìviri nu diariu, na cosa ca appressu lu ajutau assai ntî li sò attività criativi. Doppu ca si pigghiau la lauria 'n liggi ntî lu 1981, jiu a fari l'avvucatu a Southaven pi quasi nu dicenniu.

Ntî lu 1983 vinni aliggiutu pi li Dimucratici a la Càmmira di li Rapprisintanti di lu Mississippi, unni arresta nzinu a lu 1990 cuntinuannu sempri lu sò travagghiu di avvucatu. Ntî lu sò tempu lìbbiru, e comu hobby, Grisham accuminciau a scrìviri lu sò primu rumanzu, unni si jia spummintannu chi cosa avissi succiudutu si lu patri di na carusa viulintata avissi jutu ad ammazzari li sò aggrissuri. Ntî lu 1987, doppu tri anni di travagghiu, la sò prima òpira, A Time to Kill (Nu tempu d'ammazzari), vinni finuta. Prima fu rifiutata di diversi editura, appui, a la fini, vinni accittata di la Wynwood Press, ca la pubbricau ntî lu giugnu 1988 ccu na tiratura di suli 5.000 copii.

Quannu finìu di scrìviri A time to kill, Grisham accuminciau sùbbitu nu novu rumanzu. Lu clienti fu lu settimu rumanzu cchiù vinnutu di lu 1991. La rivista statunitensi Publishers Weekly addichiarau Grisham: "Lu scritturi cchiossai vinnutu di l'anni nuvantini", ccu nu tutali di 60.742.289 copii.

Li sò rumanzi sunnu diciuti legal thriller, pìgghianu assai di la sò spirienza di avvucatu e hannu statu uggettu d'assai virsioni cinimatogràfichi.

Libbra scrivuti di John Grisham

A Time to Kill
The Firm
The Pelican Brief
The Client
The Chamber
The Rainmaker
The Runaway Jury
The Partner
The Street Lawyer
The Testament
The Brethren
A Painted House
Skipping Christmas
The Summons
The King of Torts
Bleachers
The Last Juror
The Broker