Maisa
La maisa è na pràttica agrìcula assai antica ca cunzisti ntô lassari nun cultu un tirrenu, doppu avìrilu appurtunamenti aratu, pi nu pirìudu di tempu cchiù o menu longu, a lu scopu di pirmittìricci di ricustituiri li riservi di firtilitati. E' puru lu tirrenu suttapostu a tali trattamentu. Doppu tali pirìudu lu tirrenu è prontu p'èssiri siminatu a frumentu.
La palora «maisa» veni dû latinu Maius (maiu), ma ricorda puru la palora greca vulgari magìsia.