Marijuana
I nfurmazzioni ripurtati nun sunnu cunzigghi mèdici e putìssiru nun èssiri pricisi. I cuntinuti ànnu sulu scopu llustrativu e nun ponnu sustituiri chiḍḍu chi penza u dutturi (nun sunnu rifirìbbili a priscrizzioni e mancu a cunsigghi mèdichi): leggi l'abbirtenzi. 
La Marijuana è na droga fatta facennu siccari e sminuzzannu la chianta Cannabis sativa, ca veni accussì fumata. La marijuana è ditta droga liggera picchì nun duna lu risurtatu assai divastanti cumu fa' la Cocaina, ma è sempri piriculusa.
Effetti di la droga
canciaL'effetti di la marijuana càncianu a secunna dû suggettu ca la fuma, di lu tipu e di li dosi.
L'effetti principali sunnu:
- rischiu seriu d'astinenza e dipinnenza;
- distursioni di la rialità;
- rischiu sèriu di sviluppari schizzufrinìa;
- rifressi mintali e fìsichi allintati;
- calu timpuràniu dâ prissioni dû sangu;
- nica eufurìa
- fami cchiù dû sòlitu e mancanza di sinzazzioni d'èssiri chinu;
- ànsia e nàusia, siddu si nni fuma assai.
Pi la pirsuna ca la fuma p'abbitùdini, st'effetti alleggiu alleggiu ponnu finiri, pirchì l'urganìsimu s'abbìtua e si stabbilizza
Usi tirapèutichi
cancia'N Asia cintrali e ntâ Cina già dû 3000 a.C., la marijuana fu usata pi tantu tempu dâ medicina pupulari e macari aoggi veni usata dâ midicina muderna.
Servi pi fari turnari l'appititu ê malati di AIDS e pi fàricci calari la nàusia. Veni usata macari pi àutri malatìi:
- Epilissìa: pi migghiurari l'umuri dû malatu. Lu bonu risurtatu s'appi nni assai casi.
- Sclirosi multipla: veni usata ô postu dî calmanti.
- Anorissìa: forti stimulanti di l'appititu.
- Glaucoma: fa' calari la prissioni di l'occhiu dû 50%.